JOHN 6:64 - Edisana ñwed Abasi Ibom

⁶⁴ Edi ndusuk owo edu ke otu mbufo emi minimke ke akpanikɔ. Koro toto ke eritɔŋɔ Jesus ɔdiɔŋɔ mmɔ eke minimke ke akpanikɔ, ye owo emi edidade Enye ɔnɔ.

JOHN 6:64 ပူးပေါင်းရင်းမြစ်များ

MATTHEW 10:4

Simon emi edide Zealot, ye Judas Iscariot, emi onyuŋ adade Jesus ɔnɔ.

JOHN 10:26

Edi mbufo inimke ke akpanikɔ koro mbufo midige ke otu mme erɔŋ Mi.

JOHN 18:4

Sia Jesus ɔfiɔkde kpukpru se iyomde ndisim Enye, Enye ɔwɔrɔ edi, edibup mmɔ, Mbufo eyom anie?

JOHN 5:42

edi mmɔdiɔŋɔ mbufo nte mbufo inyeneke ima Abasi ke esit mbufo.

JOHN 6:36

Edi mma ndɔhɔ mbufo nte, Mbufo emokut Mi, ndien inimke ke akpanikɔ.

JOHN 6:60

Ke adaŋemi ediwak mbet Esie ekopde emi, mmɔ edɔhɔ ete, Ikɔ emi ɔsɔŋ ebe: anie ekeme ndikop utɔ ŋkpɔ oro?

JOHN 6:61

Edi Jesus ɔfiɔk ke esit Esie ete mbet Imɔ ke esuk uyo ebaŋa ikɔ oro, onyuŋ ɔdɔhɔ mmɔ ete, Nte ikɔ emi esin mbufo eduɔ?

JOHN 6:66

Ke ntak emi ediwak mbet Esie efiak edem, inyuŋ isaŋake aba ye Enye.

JOHN 8:23

Enye ɔdɔhɔ mmɔ ete, Mbufo eto ke isɔŋ, Ami nto ke enyɔŋ: mbufo edi mbon ererimbot emi, Ami ndige owo ererimbot emi.

JOHN 8:55

ndien mbufo ikɔfiɔkke Enye; edi Ami mmɔfiɔk Enye. Edieke ŋkpɔdɔhɔde nte, Mfiɔkke Enye, nyedi osu-osu nte mbufo: edi Ami mmɔfiɔk Enye, nnyuŋ nnim ikɔ Esie.

UTOM MME APOSTLE 15:18

Ntem ke Jehovah, emi anamde owo efiɔk ŋkpɔ emi toto ke eritɔŋɔ ererimbot, ɔdɔhɔ.

ŊWED MBON ROME 8:29

Koro mme owo emi Enye ekebemde iso ɔfiɔk, ke Enye okonyuŋ ebem iso onim ete mmɔ ekpekabare ebiet Imɔ, man Enye oro edidi akpan ke otu ediwak nditɔ-ete:

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.