JOHN 6:54 - Edisana ñwed Abasi Ibom

⁵⁴ Owo eke adiade obukidem Mi, onyuŋ ɔŋwɔŋde iyip Mi enyene nsinsi uwem; Ami nyenyuŋ nnam enye eset ke akpatre usen.

JOHN 6:54 ပူးပေါင်းရင်းမြစ်များ

ŊWED MME PSALM 22:26

Mbon nsukidem eyedia eyuhɔ: mmɔ eke eyomde Jehovah eyetoro Enye: yak esit mbufo odu uwem ke nsinsi.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

JOHN 6:47

Ke akpanikɔ ke ndɔhɔ mbufo, Owo eke onimde ke akpanikɔ enyene nsinsi uwem.

JOHN 6:55

Koro obukidem Mi edi ata udia, iyip mi onyuŋ edi ata ediŋwɔŋ-ŋkpɔ.

JOHN 6:63

Edi spirit anam owo odu uwem: obukidem inɔŋɔ owo baba udori kiet: mme ikɔ oro ŋketiŋde nnɔ mbufo edi spirit enyuŋ edi uwem.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.