JOHN 6:5 - Edisana ñwed Abasi Ibom

⁵ Ke adaŋemi Jesus emenrede enyin okut nte ata ediwak owo etienede Enye, Enye obup Philip ete, Ididep uyo mmɔŋ, man memmɔ emi edia ŋkpɔ?

JOHN 6:5 ပူးပေါင်းရင်းမြစ်များ

NUMBERS 11:13

Ke mmɔŋ ke ami ndida unam eke nnɔde kpukpru mbio emi? koro mmɔ etuade enɔ mi, ete, Nɔ nnyin unam eke itade.

MATTHEW 15:33

Ndien mbet edɔhɔ Enye ete, Ke mmɔŋ ke nnyin idinyene uyo eke awakde ke desert emi ekem ndiyuhɔ adaŋa akwa otu owo emi?

MARK 6:32

Ekem mmɔ ediere ke ubom edaha eka ke ebiet desert ke idem mmɔ ikpɔŋ.

LUKE 9:10

Ekem mme apostle efiak edi edimen kpukpru se mmɔ ekanamde ebuk enɔ Jesus. Ndien Enye ada mmɔ ke idem mmɔ ikpɔŋ adaha aka ke obio emi ekerede Bethsaida.

JOHN 1:43

Ke ndaŋ-nsiere Jesus aduak ndidaha ŋka Galilee; ndien Enye okut Philip, onyuŋ ɔdɔhɔ enye ete, Tiene Mi.

JOHN 1:44

Philip oto ke Bethsaida, obio Andrew ye Peter.

JOHN 1:45

Philip okut Nathanael, onyuŋ ɔdɔhɔ enye ete, Nnyin imokut Enye, emi Moses ekewetde abaŋa Enye ke ibet, mme prophet ekonyuŋ ewetde ebaŋa, kpa Jesus eyen Joseph, emi otode ke Nazareth.

JOHN 1:46

Nathanael ete enye, Nte baba eti ŋkpɔ ekeme ndito ke Nazareth? Philip ete enye, Di dise.

JOHN 1:48

Nathanael ete Enye, Asaŋa didie ɔdiɔŋɔ mi? Jesus ɔbɔrɔ enye ete, Ke ini Philip mikokotke fi kaŋa, ke adaŋemi afo etiede ke idak eto fig, ŋkokut fi.

JOHN 4:35

Nte mbufo idɔhɔke ite, eyesuk ɔfiɔŋ inaŋ ndien osim ini ukpeŋe? Sese, mmɔdɔhɔ mbufo nte, Emenere enyin ese iŋwaŋ ete ŋkpɔ adat kesit ama, ekem ini ukpeŋe.