JOHN 6:45 - Edisana ñwed Abasi Ibom

⁴⁵ Ema ewet ke mme prophet ete, Abasi eyekpep mmɔ kpukpru ŋkpɔ; kpukpru owo eke ekopde uyo Ete enyuŋ ebɔde ukpep-ŋkpɔ etiene Mi.

JOHN 6:45 ပူးပေါင်းရင်းမြစ်များ

ISAIAH 2:3

Ndien ediwak obio eyeka ekedɔhɔ, ete, Mbufo edi, nnyin idɔk ke obot Jehovah, ke ufɔk Abasi Jacob; ndien enye eyekpep nnyin ido esiemɔ, nnyin iyenyuŋ isaŋa ke usuŋ esie: koro mme ewuhɔ eyeto ke Zion, uyo Jehovah eyenyuŋ oto ke Jerusalem.

ISAIAH 54:13

Jehovah eyenyuŋ eteme kpukpru nditɔ fo; ndien emem nditɔ fo okpon.

MICAH 4:2

Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MARK 1:2

Kpa nte ewetde ke ŋwed prophet Isaiah, ete, Sese, mmɔdɔŋ isuŋutom Mi ebem Fi iso, Emi edinamde usuŋ Fo;

LUKE 1:70

(Kpa nte Enye akadade inua nti prophet Esie etiŋ toto ke eritɔŋɔ ererimbot),

LUKE 18:31

Ekem Enye ada mbet duopeba esihere ada ŋkaŋ kiet, onyuŋ ɔdɔhɔ mmɔ ete, Sese, nnyin imɔŋ idɔk ika Jerusalem, ndien kpukpru se mme prophet ekewetde eyewɔrɔ enɔ Eyen Owo.

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

JOHN 6:65

Enye onyuŋ ɔdɔhɔ ete, Emi esin Mi ndɔhɔ mbufo nte, Baba owo kiet ikemeke nditiene Mi, ibɔhɔke Ete ɔnɔ enye ukeme.

UTOM MME APOSTLE 13:40

Ekpeme ndien, mbak se ewetde ke mme prophet edisim mbufo, nte emi edɔhɔde ete,

UTOM MME APOSTLE 7:42

Edi Abasi ɔwɔŋɔre ɔkpɔŋ mmɔ, onyuŋ asana mmɔ ayak ete, enam ŋkpɔ enɔ udim enyɔŋ: kpa nte ewetde ke ŋwed mme prophet, ete, Nte mbufo ekeda unam eke ewotde ye uwa esɔk Mi Ke isua aba ke desert, O ufɔk Israel?

ŊWED MBON EPHESUS 1:17

Mmebeŋe nte Abasi Ɔbɔŋ nnyin Jesus Christ, Ete ubɔŋ akpakam ɔnɔ mbufo spirit ɔniɔŋ ye eriyarare, emi mbufo edidade efiɔk Enye;

ŊWED MBON PHILIPPI 3:15

Eyak kpukpru nnyin, eke ima ikɔkɔri iwɔrɔ idi owo, inyene oruk esit emi, ndien edieke mbufo enyenede ekikere eke ekpuhɔrede ke se ntetiŋ, Abasi eyeyarare emi ɔnɔ mbufo.

1 ŊWED THESSALONICA 4:9

Inaŋa nte ŋwet ŋkpɔ nnɔ mbufo mbaŋa ima nditɔ-ete: koro Abasi ke Idem Esie ke ekpep mbufo ndima kiet eken;

MME HEBREW 10:16

Jehovah ete, Emi edi ediomi eke ndidiomide ye mmɔ Ke mme usen oro ema ebe; Nyesin mbet Mi ke esit mmɔ, Nyenyuŋ ŋwet mbet Mi ke ɔwɔŋ-esit mmɔ;

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.