JOHN 6:30 - Edisana ñwed Abasi Ibom

³⁰ Ntem ke mmɔ edɔhɔ ete, Afo anam nso nte idiɔŋɔ naŋa, man nnyin ikut, inyuŋ inim Fi ke akpanikɔ?

JOHN 6:30 ပူးပေါင်းရင်းမြစ်များ

1 NDIDEM 13:3

Ndien enye asiak utibe-ŋkpɔ ke usen oro, ete, Emi edi utibe-ŋkpɔ emi Jehovah ɔkɔdɔhɔde ete, Sese, itie-uwa emi eyesiaha, ntɔŋ emi odude ke esit eyenyuŋ ɔduɔhɔ.

1 NDIDEM 13:5

Itie-uwa oro onyuŋ asiaha, ntɔŋ onyuŋ oto ke itie-uwa ɔduɔŋɔ ke isɔŋ, ekem ye utibe-ŋkpɔ oro owo Abasi oro akasiakde ke uyo Jehovah.

EXODUS 4:8

Ama ekem, edieke mmɔ midibuɔtke idem ye afo, midinyuŋ ikopke uyo mbemiso idiɔnɔ oro, mmɔ eyebuɔt idem ye uyo udiana akpa idiɔŋɔ.

EXODUS 7:9

Adaŋemi Pharaoh edidɔhɔde mbufo ete, Mbufo ewut mme utibe ŋkpɔ ke idem mbufo: ndien afo edidɔhɔ Aaron ete, Men esaŋ fo duɔk ke iso Pharaoh, ndien esaŋ eyekabare edi urukikɔt.

ISAIAH 5:19

“Yak enye awara, yak ɔsɔp ubɔk anam utom esie, man nnyin ikut: yak uduak Edisana Abasi Israel onyuŋ asaŋa edikpere, man nnyin ifiɔk!”

MARK 15:32

Yak Christ, Edidem Israel, ɔsuhɔre ke cross naŋa, man nnyin ikut inyuŋ inim ke akpanikɔ. Mmɔ emi ekɔkɔŋde ye Enye ke cross enyuŋ etɔk Enye.

MARK 8:11

Ekem mme Pharisee ewɔŋɔ edi, etɔŋɔ ndineni eneni ye Enye; mmɔ edodomo Enye ete, Enye ɔnɔ mme imɔ idiɔŋɔ eke otode ke heaven.

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 12:37

Edi okposuk edi oro Enye akanamde adaŋa uwak-uwak mme idiɔŋɔ ke iso mmɔ, mmɔ ibuɔtke idem ye Enye:

JOHN 2:18

Ntre ke mme Jew ebɔrɔ Enye ete, Owut nnyin nso idiɔŋɔ emi Afo anamde ŋkpɔ emi?

JOHN 4:8

Jesus ete enye, Nɔ Mi mmɔŋ ŋŋwɔŋ. Koro mbet Esie ema edaha eka obio ekedep udia.

JOHN 6:14

Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

JOHN 6:2

Edi akamba otu owo etiene Enye, koro mmɔ ekutde mme idiɔŋɔ eke Enye anamde ke idem mmɔ eke edɔŋɔde.

JOHN 6:36

Edi mma ndɔhɔ mbufo nte, Mbufo emokut Mi, ndien inimke ke akpanikɔ.

UTOM MME APOSTLE 4:30

ke adaŋemi Afo edinyanarede ubɔk ndinam udɔŋɔ okure owo; man enam mme idiɔŋɔ ye mme utibe ŋkpɔ ke enyiŋ Edisana Owo Fo Jesus.

1 ŊWED CORINTH 1:22

Mme Jew ebeŋe mme idiɔŋɔ, mme Greek enyuŋ eyom ifiɔk;

MME HEBREW 2:4

Abasi onyuŋ ada mme idiɔŋɔ ye mme utibe ŋkpɔ, ye nsio-nsio ŋkpɔ odudu, ye erinɔ Edisana Spirit, nte Enye amade, etiene mmɔ etie ntiense.