JOHN 6:14 - Edisana ñwed Abasi Ibom

¹⁴ Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

JOHN 6:14 ပူးပေါင်းရင်းမြစ်များ

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

MATTHEW 11:3

Nte Afo edi Enye emi enyenede ndidi, mme nnyin ikpodori enyin ke owo eŋwen?

MATTHEW 21:11

Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

LUKE 24:19

Jesus ɔdɔhɔ mmɔ ete, Nso idi oro? Mmɔ edɔhɔ Enye, Se ibaŋade Jesus emi otode ke Nazareth, emi ekedide prophet eke enyenede odudu ke ubɔk-utom ye ke ikɔ-inua ke iso Abasi ye ke iso kpukpru mbio-obio:

LUKE 7:16

Ekem Jesus ayak enye ɔnɔ eka esie. Edi ndik omum mmɔ kpukpru; mmɔ enyuŋ enɔ Abasi itoro, ete, Akwa prophet amadaha ada ke otu nnyin; enyuŋ ete, Abasi emedi ndise ikɔt Esie.

JOHN 1:21

Ekem mmɔ ebup enye ete, Edi anie ndien? Edi Elijah? Enye ete, Ndige. Nte edi prophet oro? Enye ɔbɔrɔ ete, Baba.

JOHN 11:27

Martha ɔdɔhɔ Enye ete, Edi ntre, Ɔbɔŋ, mmonim ke akpanikɔ nte Afo edi Christ Eyen Abasi, kpa Enye emi odukde edi ke ererimbot.

JOHN 2:11

Jesus akanam akpa idiɔŋɔ emi ke Cana ke Galilee, ayarare ubɔŋ Esie; mbet Esie enyuŋ ebuɔt idem ye Enye.

JOHN 4:19

Ŋwan oro ete Enye, Ɔbɔŋ, mmokut nte Afo edi prophet.

JOHN 4:25

Ŋwan oro ete Enye, Mmɔfiɔk nte Messiah (emi ekerede Christ) ɔmɔŋ ededi: ke ini Enye edide, Enye eyeŋwaŋade kpukpru ŋkpɔ ɔnɔ nnyin.

JOHN 4:42

ndien mmɔ edɔhɔ ŋwan oro ete, Ke emi nnyin imonim ke akpanikɔ, idige koro afo eketiŋde, edi koro nnyin ima ikokop ke idem nnyin, inyuŋ ifiɔk ite, Owo emi edi Andinyaŋa ererimbot ke akpanikɔ.

JOHN 6:2

Edi akamba otu owo etiene Enye, koro mmɔ ekutde mme idiɔŋɔ eke Enye anamde ke idem mmɔ eke edɔŋɔde.

JOHN 6:26

Jesus ɔbɔrɔ mmɔ ete, Ke akpanikɔ ke ndɔhɔ mbufo, mbufo iyomke Mi koro mbufo ekekutde mme idiɔŋɔ, edi eyom Mi koro mbufo ekadiade uyo eyuhɔ.

JOHN 6:30

Ntem ke mmɔ edɔhɔ ete, Afo anam nso nte idiɔŋɔ naŋa, man nnyin ikut, inyuŋ inim Fi ke akpanikɔ?

JOHN 7:40

Ke adaŋemi ndusuk mmɔ emi edude ke otu owo oro ekopde mme ikɔ emi, mmɔ ete, Owo emi edi prophet oro ke akpanikɔ.

UTOM MME APOSTLE 7:37

Emi edi Moses oro ɔkɔdɔhɔde nditɔ Israel ete, Abasi eyenam prophet, emi edibietde mi, adaha ada ɔnɔ mbufo ke otu nditɔ-ete mbufo.