JOHN 5:7 - Edisana ñwed Abasi Ibom

⁷ Owo mmem-idem ɔbɔrɔ Enye ete, Ɔbɔŋ, nnyeneke owo eke emende mi esin ke mkpɔdiɔhɔ-mmɔŋ kini etimerede mmɔŋ: edi nte ŋkaka, owo eŋwen ebem mi iso ɔsuhɔre.

JOHN 5:7 ပူးပေါင်းရင်းမြစ်များ

ŊWED MME PSALM 142:4

Kabare ke nnasia, nyuŋ se, ndien baba owo kiet eke ɔdiɔŋɔde mi iduhe; ubɔhɔ mi amatak; baba owo kiet eke ekerede ukpɔŋ mi iduhe.

ŊWED MME PSALM 72:12

Koro enye eyenyaŋa ubuene ke ini enye esemede; ye owo ukut, ye owo eke minyeneke andinyaŋa.

JOHN 5:2

Edi mkpɔdiɔhɔ-mmɔŋ odu do ke Jerusalem, ekpere inua-otop erɔŋ; ekot enye ke usem Hebrew ete, Bethesda; inua-otop ition enyuŋ edu ke esit.

JOHN 5:3

Ata ediwak mbon udɔŋɔ, ye nnan, ye mbuŋɔ, ye mfumi, ena ke mme inua-otop oro.

JOHN 5:4

Koro angel Abasi esito ke enyɔŋ edi ke ini ke ini onyuŋ editimede mmɔŋ oro, ndien akpa owo udɔŋɔ emi ebemde iso oduk mmɔŋ oro eyekop nsɔŋidem.

JOHN 5:6

Ke adaŋemi Jesus okutde enye anade do, onyuŋ ɔfiɔkde ete enye akana ntre anyan ini, Enye ete owo oro, Nte ɔdɔŋ fi ndikop nsɔŋidem?

ŊWED MBON ROME 5:6

Koro ke adaŋemi nnyin ikodude kaŋa ke mmem-idem, ke edikem ini Christ akpa ke ibuot mmɔ emi miteŋeke Abasi.

1 ŊWED CORINTH 9:24

Nte mbufo ifiɔkke ite edi kpukpru mbon itɔk efehe mbuba, edi edi owo kiet ɔbɔ utip. Efehe ndien ke usuŋ nte edibɔde utip.

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.