JOHN 5:44 - Edisana ñwed Abasi Ibom

⁴⁴ Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

JOHN 5:44 ပူးပေါင်းရင်းမြစ်များ

2 CHRONICLES 6:8

ndien Jehovah ɔdɔhɔ David ete mi, ete, “Koro okodude fi ke esit, ndibɔp ufɔk nnɔ enyiŋ mi, afo amanam eti koro okodude fi ke esit:

JEREMIAH 13:23

Nte eyen Ethiopia ekeme ndikpuhɔre ikpɔhidem esie? Nte ekpe ekeme ndipuhɔre ntɔi esie? Ndien mbufo ŋko emi emehede ndinam idiɔk eyekeme ndinam eti.

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

LUKE 19:17

Ndien ɔbɔŋ esie ɔdɔhɔ enye ete, Omotim anam, afo eti owo: sia afo akanamde akpanikɔ ke ekpri ŋkpɔ, di andikara obio duop.

JOHN 12:43

Koro mmɔ emama ubɔŋ eke otode owo akan ubɔŋ eke etode Abasi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 3:20

Koro kpukpru owo eke enamde idiɔk esasua uŋwana, inyuŋ iwɔrɔke idi ke uŋwana, mbak edibiom se mmɔ enamde.

JOHN 5:41

Mbɔhɔ ubɔŋ ke ubɔk owo,

JOHN 8:43

Nsinam mbufo mifiɔkke se ikɔ Mi ɔwɔrɔde? Oto koro mbufo mikemeke ndikop uyo Mi.

ŊWED MBON ROME 2:10

edi ubɔŋ ye ukpono ye emem eyedoro kpukpru owo eke enamde eti ido, odoro Jew ke akpa-itie, onyuŋ odoro Greek ŋko:

ŊWED MBON ROME 2:29

edi ata Jew edi enye edide Jew ke esit-esit; ata mbobi onyuŋ edi ŋkpɔ ɔwɔŋesit, odu ke spirit, iduhe ke item eke ewetde; itoro esie inyuŋ itoho owo, edi oto Abasi.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

2 ŊWED CORINTH 10:18

Koro idige owo emi otorode idem ke ebat ke eti, edi owo emi Ɔbɔŋ otorode.

ŊWED MBON PHILIPPI 2:3

Ekunam baba ŋkpɔ kiet ke ndomo-idem mme ke ntaŋ-idem, edi yak owo kiet kiet ada nsuhɔre-esit abat ete, owo eŋwen ɔfɔn akan imɔ.

1 ŊWED THESSALONICA 2:6

Nnyin iyomke ubɔŋ ke ubɔk owo, mme ke ubɔk mbufo, mme ke ubɔk owo efen, okposuk edi nte nnyin inyenede unen ndidi mbiomo nnɔ mbufo, sia idide mme apostle Christ.

1ŊWED TIMOTHY 1:17

Yak emen ukpono ye ubɔŋ enɔ Edidem emi akarade ke kpukpru eyo, emi mikemeke ndikpa, enyin minyuŋ ikemeke ndikut Enye, kpa Abasi kierakiet ke nsinsi-nsinsi. Amen.

MME HEBREW 3:12

Nditɔ-ete, ekpeme mbak ndusuk idiɔk esit unana mbuɔtidem edidu owo mbufo kiet ke idem, ke eriwɔŋɔre ŋkpɔŋ Abasi uwem:

JAMES 2:1

NDITƆ-ETE mi, ekuda mbuɔtidem emi mbufo enyenede ye Ɔbɔŋ nnyin Jesus Christ, emi edide Ubɔŋ, edian ye uteŋe-enyin.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

JUDE 1:25

kpa Enye emi edide Abasi kierakiet, Andinyaŋa nnyin, oto ke Jesus Christ Ɔbɔŋ nnyin; yak ubɔŋ, ye ubom, ye edikara, ye odudu enyene Enye, toto ke eritɔŋɔ, ye ke emi, ye ke nsinsi. Amen.

1 SAMUEL 15:30

Ndien enye ɔdɔhɔ ete, Mma nnam idiɔk ido: edi kam kpono mi, mbɔk, ke iso mbiowo ikɔt mi, ye ke iso Israel, nyuŋ tiene mi fiak edem, man ntuak ibuot nnɔ Jehovah Abasi fo.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.