JOHN 5:28 - Edisana ñwed Abasi Ibom

²⁸ Ekuyik ŋkpɔ emi, koro ini ke edi eke kpukpru mme andidu ke udi edikopde Enye uyo ewɔŋɔ edi;

JOHN 5:28 ပူးပေါင်းရင်းမြစ်များ

ISAIAH 26:19

Mme akpa-mkpa fo eyedu uwem, mme okpo mi eyebuhɔre. Mbufo emi eduŋde ke ntan edemere, ekwɔ: koro mbara ikɔŋ edide mbara fo, ndien isɔŋ eyeman mme ekpo.

DANIEL 12:2

Ndien ediwak mmɔ emi edede idap ke ntan isɔŋ eyedemere: usuk eyedemere eduk ke nsinsi uwem, usuk ke but ye nsinsi esuene.

HOSEA 13:14

Nyefak mmɔ nsio ke ubɔk udi; nyenyaŋa mmɔ nsio ke mkpa: nyedi idiɔk udɔŋɔ fo, O mkpa; nyedi nsobo fo, O udi: erikabare esit eyedibe mi ke enyin.

JOHN 3:7

Kuyik ke emi ndɔhɔde fi nte, mbufo enyene nditɔŋɔ ntak mmana.

JOHN 4:21

Jesus ete enye, Ŋwan owo, nim Mi ke akpanikɔ; ini ke edi, eke mbufo edituakde ibuot enɔ Ete, idige ke obot emi inyuŋ idige ke Jerusalem.

JOHN 4:23

Edi ini ke edi, omonyuŋ ededi ama, eke ata mme andituak ibuot edituakde ibuot enɔ Ete ke spirit ye ke akpanikɔ: koro edi mmɔ eke etiede ntem ke Ete oyom ete etuak ibuot enɔ Imɔ.

JOHN 5:20

Koro Ete amama Eyen, omonyuŋ owut Enye kpukpru ŋkpɔ eke Enye ke Idem Esie anamde: Enye eyenyuŋ owut Eyen mme utom eke ekponde ekan emi, man enyene mbufo ndyɔ.

JOHN 5:25

Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.

UTOM MME APOSTLE 24:15

Mmonyuŋ ndori enyin ke Abasi, kpa nte mmɔ nde edoride, nte, nti owo ye mme idiɔk owo eyeset ke mkpa.

UTOM MME APOSTLE 3:12

Edi ke ini Peter okutde emi, enye ɔbɔrɔ mmɔ ete, Mbufo nditɔ Israel, nsinam idem akpade mbufo abaŋa owo emi? nsinyuŋ inam mbufo ewukde enyin ese nnyin, nte edide nnyin ida odudu idem nnyin mme uteŋe eke nnyin iteŋede Abasi inam enye asaŋa?

1 ŊWED CORINTH 15:22

Koro nte kpukpru owo ekpaŋade ke Adam, kpa ntre ŋko ke Christ ke eyenam kpukpru owo edu uwem.

ŊWED MBON PHILIPPI 3:21

emi eyetɔŋɔ ntak obot ikpɔhidem nnyin emi odude ke ata usuhɔre-itie, esin ke mbiet idem Esiemɔ emi enyenede ubɔŋ, oto ke odudu Esie, emi Enye ekemede ndida nsuk kpukpru ŋkpɔ nsin ke idak Esie.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.