JOHN 5:19 - Edisana ñwed Abasi Ibom

¹⁹ Ntre ke Jesus ɔbɔrɔ mmɔ ete, Ke akpanikɔ ke ndɔhɔ mbufo, Eyen ikemeke ndinam baba ŋkpɔ kiet ke Idem Esie, ke mibɔhɔke se okutde nte Ete anamde; koro ŋkpɔ ekededi eke Ete anamde, kpa oro ŋko ke Eyen onyuŋ etiene anam.

JOHN 5:19 ပူးပေါင်းရင်းမြစ်များ

GENESIS 1:1

KE eritɔŋɔ Abasi okobot enyɔŋ ye isɔŋ.

GENESIS 1:26

Ekem Abasi ɔdɔhɔ, ete, eyak nnyin inam owo isin ke mbiet nnyin, etie nte nnyin: yak mmɔ enyuŋ ekara iyak ke akamba mmɔŋ, ye inuen ke enyɔŋ, ye ufene, ye ofuri isɔŋ, ye kpukpru mme andinyɔni eke enyɔnide ke isɔŋ.

ŊWED MME PSALM 138:3

Ke usen emi nsemede nnɔ fi, afo ama eyere mi, anam mi ndaha uko ɔkpɔsɔŋ ke ukpɔŋ mi.

ŊWED MME PSALM 27:14

Bet Jehovah: sɔŋ idem, ndien enye eyesɔŋ fi esit: tim bet Jehovah.

ŊWED MME PSALM 50:6

Ndien enyɔŋ eyebuk edinen ido esie: koro edide Abasi edi ebierikpe. [Selah.]

EXODUS 4:11

Ndien Jehovah ɔdɔhɔ enye ete, Anie ɔnɔ owo inua? anie onyuŋ anam imum, ye inan, ye okut usuŋ, ye nnan?

MME ŊKE 2:6

Koro Jehovah enyene eti ibuot; ifiɔk ye mbufiɔk eto enye ke inua.

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

ISAIAH 45:24

Owo ɔdɔhɔ, ete, Ami nnyene edinen ido ye odudu ke Jehovah ikpɔŋ-ikpɔŋ: enye eyebine enye; ndien but eyenam kpukpru mmɔ eke eyatde esit ye enye.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

MATTHEW 26:39

Ndien Enye aka ke iso esisit, ɔduɔ okibi iso ke isɔŋ, ɔbɔŋ akam ete, O Ete Mi, edieke usuŋ odude, yak cup emi ebe ɔkpɔŋ Mi; edi yak okudi nte Ami nnyimede; edi yak edi nte Afo onyimede.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

JOHN 10:18

Owo baba kiet ibɔhɔ Mi uwem, edi Ami ke Idem Mi nyak uwem Mi nduɔk. Mmenyene odudu ndiyak uwem Mi nduɔk, mmonyuŋ nnyene odudu nditɔŋɔ ntak mbɔ uwem mi nda. Ŋkɔbɔ item emi ke ubɔk Ete Mi.

JOHN 12:49

Koro Ami mmeŋketiŋke ŋkpɔ ke uyo Idem Mi; edi Ete emi ɔkɔdɔŋde Mi ke Idem Esie ɔkɔnɔ Mi item abaŋa se ŋkpɔdɔhɔde ye se ŋkpetiŋde.

JOHN 12:50

Ndien mmɔfiɔk nte item Esie edi uwem nsinsi: mmɔdo mme ŋkpɔ eke etiŋde, ntiŋ kpa nte Ete ɔkɔnɔde Mi uyo.

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 2:19

Jesus ɔbɔrɔ mmɔ ete, Ewuri temple emi, ndien nyediɔŋ enye ke usen ita.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

JOHN 6:38

Koro nto ke heaven nsuhɔre ndi, idige man nnam uduak Idem Mi, edi man nnam uduak Andidɔŋ Mi.

JOHN 8:28

Ntre ke Jesus ɔdɔhɔ mmɔ ete, Ke ini mbufo edimenerede Eyen Owo ke enyɔŋ, adaŋoro ke mbufo edifiɔk ete Ami ndi Enye nnyuŋ nnamke ŋkpɔ oto Idem Mi, edi kpa nte Ete ekekpepde Mi, kpa ntre ke ntetiŋ.

JOHN 9:4

Nnyin inyene ndinam utom Andidɔŋ Mi ke ini edide uwemeyo: ŋkut-eyo ke edi, eke baba owo kiet mikemeke ndinam utom ke esit.

UTOM MME APOSTLE 2:24

Edi Abasi amatat ubiak mkpa anam Enye eset: koro mkpa mikemeke ndimum Enye ŋkama.

ŊWED MBON ROME 6:4

Mmɔdo ke baptism nnyin ikɔbuhɔ ye Enye iduk ke mkpa; man, nte Ete akadade ubɔŋ Esie anam Christ eset ke mkpa, kpa ntre ke nnyin ŋko ikpasaŋa ke obufa uwem.

ŊWED MBON ROME 8:11

Edi edieke Spirit Abasi emi akanamde Jesus eset ke mkpa oduŋde ke esit mbufo, Enye emi akanamde Christ Jesus eset ke mkpa eyenyuŋ anam ikpɔhidem mbufo emi enyenede ndikpa edu uwem, oto ke Spirit Esie emi oduŋde ke esit mbufo.

1 ŊWED CORINTH 15:12

Edi edieke ekwɔrɔde ebaŋa Christ, ete enam Enye eset ke mkpa, ndusuk owo ke otu mbufo enam didie edɔhɔ ete eriset mme akpa-mkpa iduhe?

2 ŊWED CORINTH 4:14

ke ifiɔkde ite Enye, emi akanamde Ɔbɔŋ Jesus eset ke mkpa, eyenam nnyin nde iset ye Jesus, eyenyuŋ ada nnyin ye mbufo onim ke iso Esie.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

ŊWED MBON EPHESUS 2:5

akanam nnyin emi ikakpaŋade ke mme ukwaŋkpɔ nnyin idu uwem ke Christ (ke mfɔn ke ema enyaŋa mbufo),

ŊWED MBON EPHESUS 3:16

nte, Enye akpakam ada Spirit Esie anam mbufo esɔŋɔ idem enyene odudu ke ukpɔŋ, nte ekemde ye uwak ubɔŋ Esie;

ŊWED MBON PHILIPPI 3:21

emi eyetɔŋɔ ntak obot ikpɔhidem nnyin emi odude ke ata usuhɔre-itie, esin ke mbiet idem Esiemɔ emi enyenede ubɔŋ, oto ke odudu Esie, emi Enye ekemede ndida nsuk kpukpru ŋkpɔ nsin ke idak Esie.

ŊWED MBON PHILIPPI 4:13

Mmenyene ukeme ndinam kpukpru ŋkpɔ ke odudu Andisɔŋɔ mi idem.

ŊWED MBON COLOSSAE 1:11

Abasi akpakam onyuŋ ada kpukpru odudu Esie ɔsɔŋɔ mbufo idem, nte asaŋade ekekem ye ukeme ubɔŋ Esie, man mbufo ekeme ndibiom kpukpru ŋkpɔ nnyuŋ mme anyan ime ye idaresit;

ŊWED MBON COLOSSAE 1:16

Koro ke Enye ke ekebot kpukpru ŋkpɔ ke enyɔŋ ye ke isɔŋ, se enyin owo okutde ye se enyin owo mikwe, mme mmɔ edide ndidem, mme edide mbɔŋ, mme edide mme andikara, mme edide mme ada-idaha; ekebot kpukpru ŋkpɔ oto ke Enye, enyuŋ ebot kpukpru ŋkpɔ enɔ Enye.

1 ŊWED THESSALONICA 4:14

Koro edieke nnyin inimde ke akpanikɔ ite Jesus ama akpa onyuŋ ɔtɔŋɔ ntak eset, imonim kpa ntre ite, Abasi eyeda mmɔ emi edede ke Jesus edi.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.