JOHN 5:16 - Edisana ñwed Abasi Ibom

¹⁶ Ndien ke ntak emi mme Jew esin Jesus enyin, koro Enye akanamde ŋkpɔ emi ke sabbath.

JOHN 5:16 ပူးပေါင်းရင်းမြစ်များ

MATTHEW 12:13

Ekem Enye ɔdɔhɔ owo oro ete, Nyanare ubɔk fo. Ndien enye anyanare ubɔk; ubɔk esie onyuŋ akabare ɔfɔn nte enye eken.

MARK 3:6

Edi mme Pharisee ewɔŋɔ ekeduk odu idaha oro ye mme Herodian ebaŋa Enye, eyom usuŋ nte mmɔ edisaŋade ewot Enye.

LUKE 6:11

Edi esit ofut mmɔ eti-eti; mmɔ enyuŋ eneme ye kiet eken ebaŋa se ekpanamde Jesus.

JOHN 1:19

Ndien emi edi ikɔ ntiense John, ke adaŋemi mme Jew emi etode ke Jerusalem esiode mme oku ye mme Levite edɔŋ ke ɔtɔ esie, ete ebup enye ete, Afo edi anie?

JOHN 10:39

Ntre ke mmɔ etɔŋɔ ntak eyom ndimum Enye: ndien Enye ɔwɔrɔ ke ubɔk mmɔ.

JOHN 15:20

Eti ikɔ eke ŋketiŋde nnɔ mbufo nte, Asaŋutom ikponke ikan ete-ufɔk. Edieke mmɔ ekesinde Mi enyin, eyesin mbufo ŋko: edieke mmɔ ekenimde uyo Mi, mmɔ eyenim uyo mbufo ŋko.

JOHN 5:10

Ekedi sabbath ke usen oro. Ntre ke mme Jew edɔhɔ owo emi ekanamde udɔŋɔ okure enye, ete, Mfin edi sabbath; inenke fi ndikama mbri fo.

JOHN 5:13

Edi owo emi udɔŋɔ okurede enye ifiɔkke Enye emi ɔkɔdɔhɔde enye ntem: koro Jesus ama adaha, sia otu owo edude ke ɔtɔ oro.

JOHN 5:15

Owo oro adaha ɔkɔdɔhɔ mme Jew ete, ke edi Jesus akanam imɔ ikop nsɔŋidem.

JOHN 5:17

Edi Jesus ɔbɔrɔ mmɔ ete, Ete Mi ke ananam utom tutu osim emi,

JOHN 5:18

Ami ke nnyuŋ nnam. Ke ntak emi mme Jew edɔdiɔŋ eyom Enye ndiwot, itoho koro abiatde sabbath ikpɔŋ, edi oto koro Enye okotde Abasi, ete, Ete Imɔ, anam idem ukem ye Abasi.

JOHN 7:21

Jesus ɔbɔrɔ mmɔ ete, Ŋkanam utom kiet emi esinde idem akpa kpukpru mbufo.

JOHN 7:25

Mmɔdo ndusuk ke otu mbio Jerusalem edɔhɔ ete, Nte idige owo emi ke eyom enye ndiwot?