JOHN 5:10 - Edisana ñwed Abasi Ibom

¹⁰ Ekedi sabbath ke usen oro. Ntre ke mme Jew edɔhɔ owo emi ekanamde udɔŋɔ okure enye, ete, Mfin edi sabbath; inenke fi ndikama mbri fo.

JOHN 5:10 ပူးပေါင်းရင်းမြစ်များ

ISAIAH 58:13

Afo ama akabare ukot fo osio ke sabbath efep, ke erinam utom fo ke edisana usen mi: ama onyuŋ okot sabbath, ete, inemesit, okot edisana usen Jehovah, ete, ŋkpɔ ukpono; ama onyuŋ okpono enye ke eritre ndinam ido fo, ndinyuŋ ntiene utom fo, nnyuŋ ndɔhɔ ikɔ:

JEREMIAH 17:21

ntem ke Jehovah ɔdɔhɔ ete, Mbufo ekpeme idem mbufo, ndien ekubiom mbiomo ke usen sabbath, ekunyuŋ eda eduk ke inua-otop Jerusalem:

JEREMIAH 17:27

Edi mbufo minyimeke ndikop uyo mi, nnyuŋ nnim usen sabbath ke edisana, man ekunyuŋ ebiom mbiomo eduk ke inua-otop Jerusalem ke usen sabbath; ndien ami nyebara ikaŋ ke inua-otop esie, eke editade ikpɔ ufɔk Jerusalem, ndien idinimeke.

MATTHEW 12:10

ndien sese, owo emi ubɔk esie akpade odu do. Mmɔ ebup Enye ete, Nte enen ndinam udɔŋɔ okure ke usen sabbath? kpaŋ mmɔ ekpe-nyene se edoride Enye.

MARK 2:24

Ndien mme Pharisee ete Enye, Sese, nsidi ntak eke mmɔ enamde se minenke ke usen sabbath?

MARK 3:4

Ekem Enye ɔdɔhɔ mmɔ ete, Nte enen ndinam ufɔn ke sabbath, me ndinam idiɔk? ndinyaŋa uwem owo, me ndiwot? Edi mmɔ edodop.

LUKE 13:14

Edi etubom synagogue ayat esit koro Jesus anamde udɔŋɔ okure ke sabbath onyuŋ ɔdɔhɔ mbio oro, ete, Usen itiokiet edu nte owo ekpenamde utom ke esit: mbufo edi ke mme usen oro, man enam udɔŋɔ ekure mbufo; ekudi ke sabbath.

LUKE 23:56

Ndien mmɔ efiak enyɔŋɔ eketim ufuɔ ŋkpɔ ye myrrh. Ndien ke sabbath mmɔ eduɔk odudu nte ibet etemede.

LUKE 6:2

Edi ndusuk mme Pharisee edɔhɔ mmɔ ete, Nsinam mbufo enamde se minenke owo ndinam ke sabbath.

JOHN 1:19

Ndien emi edi ikɔ ntiense John, ke adaŋemi mme Jew emi etode ke Jerusalem esiode mme oku ye mme Levite edɔŋ ke ɔtɔ esie, ete ebup enye ete, Afo edi anie?

JOHN 5:11

Edi enye ɔbɔrɔ mmɔ ete, Owo emi akanamde mi ŋkop nsɔŋidem ɔdɔhɔ mi ete, Men mbri fo, saŋa.

JOHN 5:15

Owo oro adaha ɔkɔdɔhɔ mme Jew ete, ke edi Jesus akanam imɔ ikop nsɔŋidem.

JOHN 5:16

Ndien ke ntak emi mme Jew esin Jesus enyin, koro Enye akanamde ŋkpɔ emi ke sabbath.

JOHN 7:23

Edieke owo anade mbobi ke sabbath mbak edibiat ibet Moses; nte mbufo eyat esit ye Ami, koro ŋkanamde owo okop uyɔhɔ nsɔŋidem ke sabbath?

JOHN 9:16

Mmɔdo ndusuk mme Pharisee edɔhɔ ete, Owo emi itoho Abasi, koro Enye minimke sabbath. Mmɔ efen ete, Owo emi edide anam-idiɔk ekeme didie ndinam oruk idiɔŋɔ eke etiede ntem? Ntre ke ubahare odu ke otu mmɔ.