JOHN 4:48 - Edisana ñwed Abasi Ibom

⁴⁸ Ntre ke Jesus ɔdɔhɔ enye ete, Mbufo inimke ke akpanikɔ, ibɔhɔke ini ekut mme idiɔŋɔ ye mme utibe ŋkpɔ.

JOHN 4:48 ပူးပေါင်းရင်းမြစ်များ

DANIEL 4:2

Etie mi nte ɔfɔn ndibuk mme utibe ŋkpɔ ye ŋkpɔ ndyɔ emi Abasi Ibom akanamde ye ami.

DANIEL 6:27

Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.

NUMBERS 14:11

Jehovah onyuŋ ɔdɔhɔ Moses, ete, Adaŋa didie ke mbio emi edisin mi ke ndek? Ke adaŋa ewe ini ke mmɔ edinim uyo mi ke akpanikɔ? ebaŋa kpukpru mme utibe ŋkpɔ emi ŋkanamde ke otu mmɔ?

MATTHEW 16:1

EKEM mme Pharisee ye mme Sadducee edi edidomo Enye, ebup Enye ete, owut mme imɔ idiɔŋɔ emi otode ke heaven.

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

MATTHEW 27:42

Enye akanyaŋa owo efen; ikemeke ndinyaŋa Idem Esie. Yak Enye ɔsuhɔre ke cross idaha emi, ndien nnyin iyenim Enye ke akpanikɔ.

MARK 13:22

ekunim ke akpanikɔ; mme Christ nsu ye mme prophet nsu eyewɔrɔ edi, eyenyuŋ ewut mme idiɔŋɔ ye mme utibe ŋkpɔ, man, edieke mmɔ ekpekemede, eda ndimek ikɔt Abasi ekpɔŋ usuŋ.

LUKE 10:18

Edi Enye ɔdɔhɔ mmɔ ete,Mma ŋkut Satan otode ke enyɔŋ ɔduɔ nte emireŋ-mireŋ.

LUKE 16:31

Edi enye ɔdɔhɔ ete, Edieke mmɔ mikpaŋke utɔŋ inɔ Moses ye mme prophet, mmɔ idinimke ke akpanikɔ owo okpototo ke otu mme akpa-mkpa eset.

JOHN 12:37

Edi okposuk edi oro Enye akanamde adaŋa uwak-uwak mme idiɔŋɔ ke iso mmɔ, mmɔ ibuɔtke idem ye Enye:

JOHN 15:24

Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

JOHN 2:18

Ntre ke mme Jew ebɔrɔ Enye ete, Owut nnyin nso idiɔŋɔ emi Afo anamde ŋkpɔ emi?

JOHN 20:29

Jesus ete enye, Sia ama okokut Mi, omonim ke akpanikɔ? Ɔfɔfɔn ɔnɔ mmɔ emi mikekwe, edi enimde ke akpanikɔ.

JOHN 4:49

Ɔbɔŋ oro ete Enye, Ɔbɔŋ, suhɔre di, ke eyen mi mikpaha kaŋa.

UTOM MME APOSTLE 14:3

Ntre ke mmɔ etie do anyan ini ekwɔrɔ ikɔ ye uko ke Ɔbɔŋ; Ɔbɔŋ onyuŋ onyime ikɔ mfɔn Esie, ɔnɔ mmɔ ndinam mme idiɔŋɔ ye mme utibe-ŋkpɔ.

UTOM MME APOSTLE 15:12

Ndien kpukpru owo edobo; mmɔ enyuŋ ekpaŋ utɔŋ enɔ Barnabas ye Paul nte mmɔ ebukde mme idiɔŋɔ ye mme utibe-ŋkpɔ eke Abasi akadade ubɔk mmɔ anam ke otu mme Gentile.

UTOM MME APOSTLE 2:19

Ndien nyenɔ mme utibe ŋkpɔ ke ikpa-enyɔŋ ke enyɔŋ, Ye mme idiɔŋɔ ke isɔŋ ke idak; Iyip ye ikaŋ ye uye nsuŋikaŋ:

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

UTOM MME APOSTLE 2:43

Edi ndik odoro kpukpru owo ke idem; mme apostle enyuŋ enam ediwak mme utibe-ŋkpɔ ye mme idiɔŋɔ.

UTOM MME APOSTLE 4:30

ke adaŋemi Afo edinyanarede ubɔk ndinam udɔŋɔ okure owo; man enam mme idiɔŋɔ ye mme utibe ŋkpɔ ke enyiŋ Edisana Owo Fo Jesus.

UTOM MME APOSTLE 5:12

Edi Abasi ada ubɔk mme apostle anam ediwak idiɔŋɔ ye utibe-ŋkpɔ ke otu mbio-obio: kpukrpu mmɔ enyuŋ ebono ye esit kiet ke Etehe Solomon.

UTOM MME APOSTLE 6:8

Edi Stephen, emi mfɔn ye odudu ɔyɔhɔde enye ke idem, anam ikpɔ mme utibe-ŋkpɔ ye mme idiɔŋɔ ke otu mbio-obio.

UTOM MME APOSTLE 7:36

Owo emi ada mmɔ ɔwɔrɔ, ke ama akanam mme utibe-ŋkpɔ ye mme idiɔŋɔ ke Egypt ye ke Ididuot Inyaŋ, ye ke desert ke isua aba.

ŊWED MBON ROME 15:19

mbe se Christ akadade mi anam, ke ikɔ ye utom, ke odudu mme idiɔŋɔ ye mme utibe-ŋkpɔ ye ke odudu edisana Spirit, man mme Gentile esuk ibuot. Ntem ke mma ntɔŋɔ ke Jerusalem ŋkwɔrɔ gospel Christ ɔyɔhɔ-ɔyɔhɔ tutu ŋkanare ŋkosim Illyricum.

1 ŊWED CORINTH 1:22

Mme Jew ebeŋe mme idiɔŋɔ, mme Greek enyuŋ eyom ifiɔk;

2 ŊWED CORINTH 12:12

Ke akpanikɔ mma nda anyan ime nnam kpukpru utom itie apostle ke otu mbufo, ke mme idiɔŋɔ ye mme utibe-ŋkpɔ ye utom odudu.

2 ŊWED THESSALONICA 2:9

Eridi abiat-ibet oro oto ke ubɔk-utom Satan, asaŋa ye kpukpru odudu ye mme idiɔŋɔ ye nsu-nsu mme utibe-ŋkpɔ,

MME HEBREW 2:4

Abasi onyuŋ ada mme idiɔŋɔ ye mme utibe ŋkpɔ, ye nsio-nsio ŋkpɔ odudu, ye erinɔ Edisana Spirit, nte Enye amade, etiene mmɔ etie ntiense.