JOHN 4:42 - Edisana ñwed Abasi Ibom

⁴² ndien mmɔ edɔhɔ ŋwan oro ete, Ke emi nnyin imonim ke akpanikɔ, idige koro afo eketiŋde, edi koro nnyin ima ikokop ke idem nnyin, inyuŋ ifiɔk ite, Owo emi edi Andinyaŋa ererimbot ke akpanikɔ.

JOHN 4:42 ပူးပေါင်းရင်းမြစ်များ

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

MATTHEW 1:21

Ndien enye eyeman nyen eren; afo eyenyuŋ osio Enye enyiŋ JESUS, koro edi Enye eyenyaŋa ikɔt Esie osio ke mme idiɔk-ŋkpɔ mmɔ.

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 11:17

Ntre ke ini Jesus osimde do, Enye okut ete okpo ama okodu ke udi usen inaŋ.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 4:29

Edi edise owo emi ekemende kpukpru se akananam nnamde etiŋ ɔnɔ mi; ndi Enye edi Christ?

JOHN 4:41

Ediwak owo efen enyuŋ enim ke akpanikɔ oto ke ikɔ-inua Esie;

UTOM MME APOSTLE 13:23

Oto ke ubon owo emi ke Abasi akada Andinyaŋa ɔnɔ Israel, nte uŋwɔŋɔ Esie edide, kpa Jesus;

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

UTOM MME APOSTLE 5:31

Abasi akada ubɔk nnasia, Esie emenere Enye onim ke enyɔŋ, ete edi Ɔbɔŋ ye Andinyaŋa, man Enye ɔnɔ Israel erikabare esit, ye erifen mme idiɔk-ŋkpɔ.

2 ŊWED CORINTH 5:19

ete, ke Christ Abasi ke ananam ererimbot etie ke emem ye Enye, ke mibatke ndudue owo inɔ mmɔ; okonyuŋ emen ikɔ erikabare ntie ke emem ye Enye esin nnyin ke ubɔk ete ikwɔrɔ.

1ŊWED TIMOTHY 4:10

Koro edi emi esin nnyin ikpa utom ye eŋwan, koro nnyin ikodoride enyin ke odu-uwem Abasi, emi edide Andinyaŋa kpukpru owo, akpan-akpan andinyaŋa mbon mbuɔtidem.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

1 JOHN 4:14

Ndien nnyin ima ikut, inyuŋ idi ntiense, ite, Ete ɔkɔdɔŋ Eyen Esie edidi Andinyaŋa ererimbot.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.