JOHN 4:38 - Edisana ñwed Abasi Ibom

³⁸ Ami ŋkosio mbufo ndɔŋ nte ekpeŋe ukpeŋe ke ebiet eke mbufo mikanamke utom ke esit; owo eŋwen ekanam utom, ndien mbufo emeduk ke utom mmɔ.

JOHN 4:38 ပူးပေါင်းရင်းမြစ်များ

2 CHRONICLES 36:15

Ndien Jehovah Abasi mme ete mmɔ ɔdɔŋ mme isuŋ esie utom ke ɔtɔ mmɔ, abak ɔdɔŋ; koro enye enyenede mbɔm ye ikɔt esie ye ebiet iduŋ esie:

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

JOHN 1:7

Enye ekedi nte ntiense, ete idi ntiense inɔ uŋwana oro, kpaŋ kpukpru owo enim ke akpanikɔ oto ke enye.

JOHN 17:18

Nte Afo ɔkɔdɔŋde Mi ndi ke ererimbot, kpasuk ntre ke Ami ndɔŋ mmɔ eka ke ererimbot.

JOHN 4:37

Ŋke oro etopde ete, Owo kiet asuan mkpasip, owo efen ekpeŋe, ɔwɔrɔ osu ke ŋkpɔ emi.

JOHN 4:39

Edi ediwak mbio Samaria emi etode ke obio oro ebuɔt idem ye Enye, oto ke ikɔ-ntiense oro ŋwan ɔnɔde ete, Enye etiŋ kpukpru se akananam nnamde ɔnɔ mi.

UTOM MME APOSTLE 2:41

Ntre ke mmɔ emi enyimede ikɔ esie ena baptism: ndien usen oro adaŋa nte thousand owo ita ediana ye mmɔ.

UTOM MME APOSTLE 4:32

Edi otu mmɔ emi enimde ke akpanikɔ enyene esit kiet ye spirit kiet: baba owo mmɔ kiet inyuŋ idɔhɔke ite ŋkpɔ ekededi eke imɔ inyenede edi eke imɔ; edi mmɔ ebabuana kpukpru ŋkpɔ.

UTOM MME APOSTLE 4:4

Edi ediwak mmɔ emi ekopde ikɔ mme apostle enim ke akpanikɔ; ibat ikɔt Abasi onyuŋ ɔkɔri ekpere ndisim thousand owo ition.

UTOM MME APOSTLE 5:14

ndien mmɔ eke enimde ke akpanikɔ ediana ye Ɔbɔŋ edɔdiɔŋ ewak, mme otu owo, iren ye iban;

UTOM MME APOSTLE 6:7

Ndien ikɔ Abasi ɔdɔdiɔŋ asuana; ibat mbet onyuŋ ɔtɔt ke Jerusalem eti-eti; ediwak mme oku enyuŋ esuk ibuot enɔ akpanikɔ.

2 ŊWED CORINTH 10:15

Nnyin idaha utom owo eŋwen inam mbure ibe adaŋa nnyin; edi imenyene idorenyin ite, mbuɔtidem mbufo eyekɔri esin nnyin iforo ke otu mbufo ika iso inam utom ikaha, nte asaŋade ekekem ye udeme utom eke Abasi okonimde ɔnɔ nnyin;