JOHN 4:10 - Edisana ñwed Abasi Ibom

¹⁰ Jesus ɔbɔrɔ enye ete, Edieke afo ɔkpɔfiɔkde enɔ Abasi, ye owo emi obupde fi ete, Nɔ Mi mmɔŋ ŋŋwɔŋ, afo ekpebeŋe Enye, ndien Enye ɔkpɔnɔ fi odu-uwem mmɔŋ.

JOHN 4:10 ပူးပေါင်းရင်းမြစ်များ

ŊWED MME PSALM 10:17

O Jehovah, afo omokop se mbon ukut eyomde: eyesɔŋ mmɔ esit, eyekpaŋ utɔŋ fo;

ŊWED MME PSALM 46:4

Akpa (odu): mme idim esie eyedat obio Abasi esit, kpa edisana iduŋ Ata Edikoŋ.

EXODUS 17:6

Sese ami mmɔŋ mbem fi iso nda do ke akamba itiat oro ke Horeb; ndien afo oyibi itiat oro, ndien mmɔŋ eyewɔrɔ ke esit, man kpukpru owo eŋwɔŋ. Ndien Moses anam ntre ke iso mbiowo Israel.

IKWƆ SOLOMON 4:15

ye obube mmɔŋ uwem, ye idim mmɔŋ eke otode ke Lebanon.

ISAIAH 12:3

Ndien mbufo eyekot mmɔŋ ke idaresit ke mme obube mmɔŋ erinyaŋa.

ISAIAH 35:6

Ndien mbuŋɔ eyenek nte edop, edeme imum eyenyuŋ ɔkwɔ: koro mmɔŋ asiahade ke wilderness, idim ŋko ke desert.

ISAIAH 42:6

Ami Jehovah mmokot fi ke edinen ido, nyenyuŋ mmum fi ubɔk ŋkama, nnyuŋ ŋkpeme fi, nnyuŋ nnim fi ke ediomi mbio-obio, ye ke uŋwana mme idut;

ISAIAH 43:20

Unam ikɔt eyetoro mi, mme jackal ye mme ostrich: koro mmɔnɔ mmɔŋ ke wilderness, ye akpa mmɔŋ ke desert, nte ndinɔ; ndimek ikɔt mi se eŋwɔŋde.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ISAIAH 49:10

Biɔŋ ididɔŋke mmɔ, itɔŋ idinyuŋ isatke mmɔ; eyo ye utin idibɔŋke mmɔ: koro anditua mmɔ mbɔm eyeda mmɔ usuŋ, eyeda mmɔ aka ke ɔtɔ eke mmɔŋ otopde ɔwɔrɔ.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

EZEKIEL 16:35

Akpara, kop ndien uyo Jehovah: ntem ke Ɔbɔŋ Jehovah ɔdɔhɔ ete,

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

ZECHARIAH 14:8

Ndien ama ekem ke usen oro, mmɔŋ idim eyeto ke Jerusalem; ubak kiet eyeka inyaŋ edem usiaha-utin, ubak eken eyeka inyaŋ edem usop-utin: eyedu ke nda-eyo ye ke tuep.

LUKE 11:13

Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo ke heaven ediyak Edisana Spirit ɔnɔ mmɔ eke ebeŋede Enye?

JOHN 16:3

Ndien mmɔ eyenam mme ŋkpɔ emi, koro mmɔ mikɔdiɔŋɔke Ete, minyuŋ idiɔŋɔke Mi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

JOHN 6:35

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

JOHN 6:51

Ami ndi odu uwem uyo emi okotode ke heaven ɔsuhɔre: edieke owo ekededi adiade uyo emi, enye eyedu uwem ke nsinsi: ndien uyo emi ndinɔde edi obukidem Mi, man ererimbot odu uwem.

UTOM MME APOSTLE 9:11

Edi Ɔbɔŋ ɔdɔhɔ enye ete, Daha, ka ke efak emi ekotde Nnen-nnen kobup ke ufɔk Judas baŋa owo emi ekerede Saul, owo Tarsus: koro sese, enye ke ɔbɔŋ akam;

ŊWED MBON ROME 8:32

Enye emi mikesinke ndinɔ Eyen Esiemɔ, edi ayakde Enye ɔnɔ ke ibuot nnyin kpukpru, Enye edikeme didie nditre ndinɔ nnyin kpukpru ŋkpɔ ndian ye Enye?

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

1 ŊWED CORINTH 10:4

koro mmɔ ekeŋwɔŋ mmɔŋ eke otode ke itiat eke spirit, emi akasasaŋa ye mmɔ; ndien itiat oro ekedi Christ.

2 ŊWED CORINTH 9:15

Ekɔm enyene Abasi ke enɔ Esie emi ayaŋade edeme.

ŊWED MBON EPHESUS 2:8

Koro ke mfɔn ke ema enyaŋa mbufo oto ke mbuɔtidem: erinyaŋa emi inyuŋ itoho mbufo; edi Abasi ɔnɔnɔ:

MME HEBREW 6:4

Koro ama edi mmɔ emi enyin ema ekaŋwaŋa mmɔ, emi ema eketabi enɔ emi otode ke heaven, ema enyuŋ ekabare ebuana ke Edisana Spirit,

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.