JOHN 3:8 - Edisana ñwed Abasi Ibom

⁸ Ofim ofime ɔtɔ nte amama, ndien afo okop uyom esie, edi ufiɔkke ebiet enye oto, ye ebiet enye aka:

JOHN 3:8 ပူးပေါင်းရင်းမြစ်များ

ŊWED MME PSALM 107:25

Ndien enye ɔdɔhɔ, ndien oyobio edemere, onyuŋ emenere odut esie.

ŊWED MME PSALM 107:29

Enye anam oyobio odobo, ndien odut mmɔ odop uyo.

ŊWED MME PSALM 135:7

Enye anam ntuhube adaha ke mme utit ererimbot ɔdɔk; anam obuma ɔnɔ edim; osio ofum ke ŋkpɔ-uto esie ada edi.

ECCLESIASTES 1:6

Ofum aka usuk, ndien akanare aka edere; akanare, akanare asaŋa; ndien ofum ɔtɔŋɔ ntak oduk ke usuŋ emi enye akanarede.

EZEKIEL 37:9

Ndien enye ɔdɔhɔ mi, ete, Tiŋ prophecy kot spirit, tiŋ prophecy eyen owo, nyuŋ dɔhɔ spirit, ete, Ntem ke Ɔbɔŋ Jehovah ɔdɔhɔ ete, Spirit, to ke mme ofum mbinaŋ di, furi mme akpaŋa afai emi ke idem, ndien mmɔ eyedu uwem.

JOHN 1:13

emi mimanake oto ke iyip, mme ke erinyime obukidem, mme ke erinyime owo, edi emana oto Abasi.

JOHN 3:7

Kuyik ke emi ndɔhɔde fi nte, mbufo enyene nditɔŋɔ ntak mmana.

JOHN 3:9

ntre ke edi ye kpukpru owo eke etode ke Spirit emana. Nicodemus ɔbɔrɔ Enye ete, Ŋkpɔ emi ekeme didie ndiwɔrɔ?

UTOM MME APOSTLE 2:2

Ndien idaha kiet uyom oto ke enyɔŋ edi, ebiet uyom ata ɔkpɔsɔŋ oyobio eke ofimede, enye onyuŋ ɔyɔhɔ ofuri ufɔk oro mmɔ etiede ke esit.

UTOM MME APOSTLE 4:31

Ndien ke mmɔ ema ekebɔŋ akam ema, ufɔk emi mmɔ ebonode ke esit enyek; ndien kpukpru mmɔ eyɔhɔ ye Edisana Spirit, enyuŋ etiŋ ikɔ Abasi uko-uko.

1 ŊWED CORINTH 12:11

Edi kpukpru oruk erinam oro ke edi Spirit kiet anam; Enye edeme ɔnɔ kpukpru owo kiet kiet nte Enye amade.

1 ŊWED CORINTH 2:11

Koro anie ke otu owo ɔfiɔk ekikere owo, ke mibɔhɔke Spirit eke owo eke emi esinede enye ke esit? Kpasuk ntre ke baba owo kiet ifiɔkke ekikere Abasi ke mibɔhɔke Spirit Abasi.

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.