JOHN 3:5 - Edisana ñwed Abasi Ibom

⁵ Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

JOHN 3:5 ပူးပေါင်းရင်းမြစ်များ

MATTHEW 18:3

ete, Ke akpanikɔ ke ndɔhɔ mbufo, ibɔhɔke mbufo ewɔŋɔre ekabare etie nte ŋkpri nitɔwɔŋ, mbufo ididukke ke Obio Ubɔŋ Heaven.

MATTHEW 19:24

Mmonyuŋ ntɔŋɔ ntak ndɔhɔ mbufo nte, edi mmemmem ŋkpɔ ye camel ndibe ke odudu abiabon, akan owo inyene ndiduk ke Obio Ubɔŋ Abasi.

MATTHEW 21:31

Anie ke otu mmɔ mbiba anam se ete esie oyomde? Mmɔ ete, Udɔ. Jesus ɔdɔhɔ mmɔ ete, Ke akpanikɔ ke ndɔhɔ mbufo nte, mme publican ye mme akpara ebem mbufo iso eduk ke Obio Ubɔŋ Abasi.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

MATTHEW 5:20

Koro ndɔhɔ mbufo nte Edieke edinen ido mbufo mikanke eke mme scribe ye mme Pharisee, mbufo ididukke ke Obio Ubɔŋ heaven.

MARK 10:14

Edi ke ini Jesus okutde, Enye ayat esit, onyuŋ ete mbet Esie, Eyak ŋkpri nditɔ etiene Mi; ekukpan mmɔ: koro Obio Ubɔŋ Abasi edide eke oruk emi.

MARK 16:16

Owo eke onimde ke akpanikɔ onyuŋ anade baptism, eyenyaŋa enye; edi enye eke etrede ndinim ke akpanikɔ, ikpe eyebiom enye.

MARK 9:47

Onyuŋ edieke enyin fo esinde fi ɔduɔ, wubere enye duɔk: ɔfɔn fi ndida enyin kiet nduk ke Obio Ubɔŋ Abasi akan ndikpenyene enyin iba, ndien eduɔk fi ke hell;

LUKE 13:24

Edi Enye ɔbɔrɔ mmɔ ete, Mbufo eŋwana eti-eti ndibe ke mfafaha inua-otop nduk: koro ndɔhɔ mbufo nte, ediwak owo eyeyom ndiduk, ndien idikemeke.

LUKE 13:3

Ndɔhɔ mbufo nte, idige ntre: edi ke mbufo mikabakere esit, mbufo kpukpru eyetak kpa ntre.

LUKE 13:5

Ndɔhɔ mbufo nte, idige ntre: edi ke mbufo mikabakere esit, mbufo kpukpru eyetak kpa ntre.

JOHN 1:13

emi mimanake oto ke iyip, mme ke erinyime obukidem, mme ke erinyime owo, edi emana oto Abasi.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 3:4

Nicodemus ɔdɔhɔ Enye ete, Owo edikeme didie ndimana ke ini enye ama ɔkɔsɔŋ? nte enye ekeme nditɔŋɔ ntak nduk ke idibi eka esie nnyuŋ mmana? Jesus ɔbɔrɔ ete,

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

UTOM MME APOSTLE 3:19

Ekabare esit ndien, enyuŋ efiak edem, man esɔhi mme idiɔk-ŋkpɔ mbufo efep; man oto do ini eridemere edito ke iso Jehovah osim mbufo;

ŊWED MBON ROME 14:17

Koro Ubɔŋ Abasi idige edidia ŋkpɔ ye ediŋwɔŋ ŋkpɔ, edi edi edinen ido ye emem ye idaresit emi odude ke Edisana Spirit.

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

1 ŊWED CORINTH 15:50

Edi ndɔhɔ emi, nditɔ-ete, obukidem ye iyip ikemeke ndibɔ Obio Ubɔŋ Abasi nda nnyene; mbiara inyuŋ ikemeke ndibɔ se midibiarake nda nnyene.

1 ŊWED CORINTH 2:12

Edi nnyin ikɔbɔhɔ spirit ererimbot emi, edi ikɔbɔ spirit emi otode Abasi, man oto do nnyin ikpɔfiɔk mme ŋkpɔ eke Abasi ɔnɔde nnyin ke mfɔn.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

ŊWED MBON GALATIA 6:15

Mbobi idige ŋkpɔ, eritre ndina mbobi inyuŋ idige ŋkpɔ, edi erimana obufa edi ŋkpɔ.

ŊWED MBON EPHESUS 5:26

man Enye akpada mmɔŋ ɔkɔrɔ ye ikɔ Abasi eyet ɔkɔp esie,

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.