JOHN 3:36 - Edisana ñwed Abasi Ibom

³⁶ Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

JOHN 3:36 ပူးပေါင်းရင်းမြစ်များ

ŊWED JOB 33:28

Enye afak ukpɔŋ mi, ete okube oduk ke udi, uwem mi onyuŋ okut uŋwana.”

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

ŊWED MME PSALM 36:9

Koro obube mmɔŋ uwem odude ye afo: nnyin iyekut uŋwana ke uŋwana fo.

ŊWED MME PSALM 49:19

Enye eyesim emana mme ete esie; mmɔ idikwe uŋwana ke nsinsi.

HABAKKUK 2:4

Sese, owo ntaŋidem! ukpɔŋ esie inenke enye ke idem: ndien edinen owo eyedu uwem ke mbuɔtidem esie.

NUMBERS 32:11

Baba owo mmɔ kiet emi eketode ke Egypt, ɔtɔŋɔde ke owo isua edip, ye mmɔ eke ebede oro, idikwe isɔŋ emi ŋkɔŋwɔŋɔde nnɔ Abraham ye Isaac, ye Jacob: koro mmɔ mitimke isaŋa mi ke edem?

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

MARK 16:16

Owo eke onimde ke akpanikɔ onyuŋ anade baptism, eyenyaŋa enye; edi enye eke etrede ndinim ke akpanikɔ, ikpe eyebiom enye.

LUKE 2:30

Koro enyin mi emekut erinyaŋa Fo,

LUKE 3:6

Kpukpru owo eyenyuŋ ekut erinyaŋa Jehovah.

JOHN 1:12

Edi kpukpru owo eke edarade Enye, Enye ɔnɔ mmɔ unen ndikabare ndi nditɔ Abasi, kpa mmɔ emi ebuɔtde idem ke enyiŋ Esie;

JOHN 10:28

Ami nnyuŋ nnɔ mmɔ nsinsi uwem; ndien mmɔ iditakke ke nsinsi, baba owo kiet idinyuŋ iwamakere mmɔ isio Mi ke ubɔk.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 4:36

Kpa ke idaha emi andikpeŋe ukpeŋe ke ɔbɔ ŋkpɔ-eyen-utom, onyuŋ ataŋ mbuŋwum ɔnɔ nsinsi uwem; man andisuan mkpasip ye andikpeŋe ukpeŋe ekpadara ɔtɔ kiet.

JOHN 5:24

Ke akpanikɔ ke ndɔhɔ mbufo, Owo eke ekopde uyo Mi, onyuŋ ɔbuɔtde idem ye Enye emi ɔkɔdɔŋde Mi, enyene nsinsi uwem, inyuŋ idukke ke ikpe, edi ama oto ke mkpa ebe oduk ke uwem.

JOHN 6:58

Emi edi uyo eke otode ke heaven ɔsuhɔre: itiehe nte se mme ete mbufo ekadiade enyuŋ ekpaŋa: owo eke adiade uyo emi eyedu uwem ke nsinsi.

JOHN 8:51

Ke akpanikɔ ke ndɔhɔ mbufo, Edieke owo onimde ikɔ Mi, enye idikpaha mkpa ke nsinsi.

UTOM MME APOSTLE 14:2

Edi mme Jew eke esɔŋde ibuot edemere mme Gentile esin mmɔ esua nditɔ-ete.

ŊWED MBON ROME 4:15

koro ibet anam ifuresit odu; edi ɔtɔ nte ibet miduhe, eribiat ibet inyuŋ iduhe ŋko.

ŊWED MBON ROME 5:9

Ŋwaŋwaediso ndien, sia ema enam ikpe etebe nnyin ke emi ke iyip Esie, ke enyenyaŋa nnyin esio ke iyat esit oto ke Enye.

ŊWED MBON ROME 8:1

MMƆDO ubiom-ikpe iduhe aba inɔ mmɔ emi edude ke Christ Jesus.

ŊWED MBON GALATIA 3:10

Koro kpukpru mmɔ eke erinam utom ibet edu ke idak isuŋi: koro ewetde ete, Ɔdɔdiɔk ɔnɔ kpukpru owo emi miyireke ke kpukpru mme item eke ewetde ke ŋwed ibet, ite inim mmɔ.

ŊWED MBON EPHESUS 5:6

Ekuyak owo ada ikpikpu ikɔ abiaŋa mbufo; koro ke ntak ido emi iyaresit Abasi etiene nditɔ ntut-utɔŋ.

1 ŊWED THESSALONICA 1:10

inyuŋ itie ibet tutu Eyen Esie oto ke heaven edi, emi Enye akanamde eset ke mkpa, kpa Jesus, emi anyaŋade nnyin osio ke iyaresit eke ɔmɔŋ edidi.

1 ŊWED THESSALONICA 5:9

Koro Abasi mikonimke nnyin inɔ iyaresit, edi okonim nnyin ete ibɔ erinyaŋa ke Ɔbɔŋ nnyin Jesus Christ;

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

MME HEBREW 3:18

Enye okonyuŋ ɔŋwɔŋɔ ɔnɔ manie ete, mmɔ ididukke ke nduɔk-odudu Imɔ, ke mibɔhɔke mbon ntut-utɔŋ?

MME HEBREW 3:19

Ntre ke nnyin ikut ite mmɔ ikekemeke ndiduk oto ke unana mbuɔtidem.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.