JOHN 3:35 - Edisana ñwed Abasi Ibom

³⁵ Ete amama Eyen, omonyuŋ ayak kpukpru ŋkpɔ esin Enye ke ubɔk.

JOHN 3:35 ပူးပေါင်းရင်းမြစ်များ

GENESIS 41:44

Pharaoh onyuŋ ɔdɔhɔ Joseph, ete, Ami ndi Pharaoh, ndien mitoho fi baba owo kiet idimenke ubɔk esie mme ukot esie ke ofuri isɔŋ Egypt.

GENESIS 41:55

Ekem, ofuri isɔŋ Egypt akpa biɔŋ, ndien kpukpru owo eseme enɔ Pharaoh eyom udia: ndien Pharaoh ɔdɔhɔ kpukpru Egypt, ete, Mbufo etiene Joseph; enam se enye ɔdɔhɔde mbufo.

ŊWED MME PSALM 2:8

Beŋe mi, ndien nyenɔ fi mme idut ke udeme fo, nyenɔ mme utit ererimbot, nte afo ada enyene.

MME ŊKE 8:30

Ndien ndu enye ke ŋkaŋ, eyen emi enye ɔkɔde: ŋkonyuŋ ndi se idatde enye esit ofuri usen; ndara ke iso esie kpukpru ini.

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

JOHN 13:3

sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,

JOHN 15:9

Kpa nte Ete akamade Mi, Ami ŋkonyuŋ mma mbufo: esuk eduŋ ke ima Mi.

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 17:26

Ndien mmayarare enyiŋ Fo nnɔ mmɔ, nyenyuŋ nyarare: man ima emi Afo akamade Mi odu mmɔ ke esit, Ami nnyuŋ ndu mmɔ ke esit.

JOHN 5:20

Koro Ete amama Eyen, omonyuŋ owut Enye kpukpru ŋkpɔ eke Enye ke Idem Esie anamde: Enye eyenyuŋ owut Eyen mme utom eke ekponde ekan emi, man enyene mbufo ndyɔ.

JOHN 5:22

Ete inyuŋ ikpehe ikpe baba owo kiet, edi akayak kpukpru eribiere-ikpe esin Eyen ke ubɔk,

1 ŊWED CORINTH 15:27

Koro Abasi akada kpukpru ŋkpɔ esin Enye ke idak ikpat. Edi ke ini edɔhɔde ete, Ekada kpukpru ŋkpɔ esin Enye ke idak, ikɔ owut idem aŋwa-aŋwa ete, Enye emi adade kpukpru ŋkpɔ esin Enye ke idak itieneke isaŋa do.

ŊWED MBON EPHESUS 1:22

okonyuŋ ada kpukpru ŋkpɔ adak Enye ke ukot, onyuŋ ɔnɔ Enye ete edi Ibuot kpukpru ŋkpɔ, ɔnɔ ufɔn ufɔk Abasi,

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:

1 PETER 3:22

emi ama ɔnyɔŋ ke heaven eketie ke ubɔk nnasia Abasi, ke ema ekosuk mme angel ye mme andikara ye mme odudu esin ke idak Esie.