JOHN 3:34 - Edisana ñwed Abasi Ibom

³⁴ Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

JOHN 3:34 ပူးပေါင်းရင်းမြစ်များ

2 NDIDEM 2:9

Edikem ke adaŋemi mmɔ ema ekebe, Elijah ɔdɔhɔ Elisha, ete, Siak se ndinamde nnɔ fi, ke mika-imenke mi kaŋa ibɔ fi. Ndien Elisha ɔdɔhɔ ete, Mbɔk, yak nnyene udeme spirit fo iba.

ŊWED MME PSALM 45:7

Afo ama se inende, onyuŋ asua se ikwaŋade; oro esin Abasi, kpa Abasi fo, ada aran idara eyet fi, akan mme ufan fo.

ISAIAH 59:21

Ndien Jehovah ɔdɔhɔ ete, Ama edi ami, emi edi ediomi mi ye mmɔ: spirit mi emi odorode fi ke idem, ye ikɔ mi emi nsinde fi ke inua, idikpɔŋke inua fo, ye inua nditɔ fo, ye inua nditɔ nditɔ fo, ke emi ye ke nsinsi: emi edi uyo Jehovah.

LEVITICUS 7:35

Emi edi udeme Aaron, ye udeme nditɔ esie, eke otode ke mme uwa ikaŋ Jehovah, ke usen eke edade mmɔ esɔk Jehovah, ete eda oku;

NUMBERS 11:25

Ndien Jehovah etie ke obubit enyɔŋ ɔsuhɔre, edidɔhɔ ye enye, onyuŋ ada ubak spirit emi odude enye ke idem, esin mbiowo ata ye udop oro ke idem: ndien edikem, ke spirit oro odukde mmɔ ke idem, mmɔ etiŋ prophecy, ndien itiŋke aba.

MATTHEW 12:18

Sese owo Mi emi ŋkemekde; Ama Mi emi nnemde esit ye Enye: Nyedori Enye Spirit Mi ke idem, Ndien Enye eyenam ikpe ɔwɔrɔ ɔnɔ mme Gentile.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

JOHN 1:16

Koro nnyin kpukpru ikɔbɔ mfɔn ikɔrɔ ke mfɔn oto ke uyɔhɔ Esie.

JOHN 15:26

Edi ke adaŋemi Iberedem, emi ndisiode ke ubɔk Ete ndɔŋ etiene mbufo, edidide, kpa Spirit akpanikɔ, emi otode ke Ete ɔwɔrɔ edi, Enye eyedi ntiense ɔnɔ Mi.

JOHN 16:7

Edi ntiŋ akpanikɔ nnɔ mbufo; erinyɔŋ Mi eyefɔn ye mbufo: koro edieke mmenyɔŋke, Iberedem iditieneke mbufo; edi mma nnyɔŋ, nyedɔŋ Enye etiene mbufo.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 5:26

Koro kpa nte Ete enyenede uwem ke Idem Esie, suk ntre ke Enye ɔkɔnɔ Eyen ndinyene uwem ke Idem Esie ŋko.

JOHN 7:16

Jesus ɔbɔrɔ mmɔ ete, ukpep-ŋkpɔ eke nnɔde idige Okim, edi edi eke Andidɔŋ Mi.

JOHN 8:40

Edi ke emi mbufo eyom Mi ndiwot, kpa owo emi ŋkasiande mbufo akpanikɔ eke ŋkokopde ke inua Abasi: Abraham ikanamke ntem.

JOHN 8:47

Enye eke edide owo Abasi okop ikɔ Abasi; sia mbufo midige ikɔt Abasi, emi esin mbufo ekukop.

UTOM MME APOSTLE 1:2

tutu osim usen oro emende Enye edɔk ke enyɔŋ, ke Enye ama ɔkɔnɔ mme apostle emi Enye ekemekde item oto ke Edisana Spirit:

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

ŊWED MBON COLOSSAE 1:19

Koro ofuri uyɔhɔ Abasi onyime ndiduŋ enye ke idem,

ŊWED MBON COLOSSAE 2:9

Koro ofuri Uyɔhɔ Abasi ke ododuŋ Enye ke idem; mbufo enyuŋ enyene uyɔhɔ mbufo ke Enye;

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.