JOHN 3:33 - Edisana ñwed Abasi Ibom

³³ Owo emi akadade ikɔ-ntiense Esie ekesin ubɔk etiense owut ete Abasi edi akpanikɔ.

JOHN 3:33 ပူးပေါင်းရင်းမြစ်များ

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

JOHN 8:26

Mmenyene ediwak ŋkpɔ nditiŋ nnyuŋ mbiere mbaŋa mbufo: edi Andidɔŋ Mi edi akpanikɔ; ndien se Ami ŋkokopde Enye ke inua, ŋkpɔ oro ke ntetiŋ nnɔ ererimbot.

ŊWED MBON ROME 15:28

Mma ŋkure mbuehe emi, mma mmen mbuŋwum emi nsin mmɔ ke ubɔk nte idiɔŋɔ utom mi, nyesaŋa ke ŋkaŋ mbufo mbe ŋka Spain.

ŊWED MBON ROME 4:11

ndien enye ɔkɔbɔ mbobi nte idiɔŋɔ, ndinam edinen ido mbuɔtiden emi enye ekenyenede ke ini enye minaŋa mbobi kaŋa ɔsɔŋɔ ada; man oto do enye ekpedi ete kpukpru mmɔ emi ebuɔtde idem, okposuk edi nte mmɔ minaŋa mbobi, man ebat edinen ido enɔ mmɔ;

1 ŊWED CORINTH 9:2

Edieke mmendige apostle nnɔ owo eŋwen, ndi apostle nnɔ mbufo; koro mbufo edi idiɔŋɔ itie-apostle mi ke Ɔbɔŋ.

2 ŊWED CORINTH 1:18

Nte Abasi edide akpanikɔ, ikɔ eke nnyin iketiŋde inɔ mbufo iwɔrɔke “Edi ntre, mme Idige ntre”.

2 ŊWED CORINTH 1:22

emi okonyuŋ efikde nnyin idiɔŋɔ ke idem, onyuŋ esinde Spirit Esie ke esit nnyin, nte akpa ubak udeme nnyin.

ŊWED MBON EPHESUS 1:13

Mbufo nde (mme Gentile) emokop ikɔ akpanikɔ ke Enye, kpa gospel erinyaŋa mbufo. Ke Enye ŋko, ke ini mbufo ema ekonim ke akpanikɔ, emada Edisana Spirit emi ekeŋwɔŋɔde efik mbufo idiɔŋɔ;

ŊWED MBON EPHESUS 4:30

Ekunyuŋ eyat Edisana Spirit Abasi esit, emi edi ke Enye ke ema efik mbufo idiɔŋɔ ebeŋe usen erifak.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

MME HEBREW 6:17

Ntre sia Abasi oyomde mmɔ emi edidade uŋwɔŋɔ enyene etim ekut ete Enye idikpuhɔkere uduak Esie, Enye ada uŋwɔŋɔ edisin:

1 JOHN 1:10

Edieke nnyin idɔhɔde ite akanam nnyin inamke idiɔk-ŋkpɔ, imakabare Enye inim ke osu-nsu, ikɔ Esie inyuŋ iduhe nnyin ke esit.