JOHN 3:3 - Edisana ñwed Abasi Ibom

³ Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 3:3 ပူးပေါင်းရင်းမြစ်များ

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

EZEKIEL 36:26

Nyenyuŋ nnɔ mbufo obufa esit, nnyuŋ nda obufa spirit nsin mbufo ke idem, nnyuŋ nsio mbufo esit enyene itiat ke obuk mfep, nnyuŋ nnɔ mbufo esit enyene obuk.

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

MATTHEW 19:24

Mmonyuŋ ntɔŋɔ ntak ndɔhɔ mbufo nte, edi mmemmem ŋkpɔ ye camel ndibe ke odudu abiabon, akan owo inyene ndiduk ke Obio Ubɔŋ Abasi.

MATTHEW 21:31

Anie ke otu mmɔ mbiba anam se ete esie oyomde? Mmɔ ete, Udɔ. Jesus ɔdɔhɔ mmɔ ete, Ke akpanikɔ ke ndɔhɔ mbufo nte, mme publican ye mme akpara ebem mbufo iso eduk ke Obio Ubɔŋ Abasi.

MATTHEW 5:18

Koro ke akpanikɔ ke ndɔhɔ mbufo, Tutu enyɔŋ ye isɔŋ ebe efep, baba ntɔi kiet mme ekpri ŋkpɔ kiet idibehe ifep ke ibet, tutu kpukpru ŋkpɔ esu.

MARK 10:14

Edi ke ini Jesus okutde, Enye ayat esit, onyuŋ ete mbet Esie, Eyak ŋkpri nditɔ etiene Mi; ekukpan mmɔ: koro Obio Ubɔŋ Abasi edide eke oruk emi.

MARK 9:47

Onyuŋ edieke enyin fo esinde fi ɔduɔ, wubere enye duɔk: ɔfɔn fi ndida enyin kiet nduk ke Obio Ubɔŋ Abasi akan ndikpenyene enyin iba, ndien eduɔk fi ke hell;

JOHN 1:13

emi mimanake oto ke iyip, mme ke erinyime obukidem, mme ke erinyime owo, edi emana oto Abasi.

JOHN 1:5

Ndien uŋwana oro ayama ke ekim; ekim inyuŋ ikanke enye.

JOHN 1:51

Jesus onyuŋ ɔdɔhɔ enye ete, Ke akpanikɔ ke ndɔhɔ mbufo nte, Mbufo eyekut nte enyɔŋ ɔkibɔrede, ye nte mme angel Abasi edɔdɔk esɔsuhɔre edore Eyen Owo ke idem.

JOHN 12:40

Enye okotibi mmɔ enyin, onyuŋ ɔsɔŋ mmɔ esit; Mbak mmɔ edida enyin mmɔ ekut usuŋ, enyuŋ eda esit mmɔ ekere ŋkpɔ, Enyuŋ ekabare, ndien nnam udɔŋɔ okure mmɔ.

JOHN 3:4

Nicodemus ɔdɔhɔ Enye ete, Owo edikeme didie ndimana ke ini enye ama ɔkɔsɔŋ? nte enye ekeme nditɔŋɔ ntak nduk ke idibi eka esie nnyuŋ mmana? Jesus ɔbɔrɔ ete,

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

2 ŊWED CORINTH 5:17

Ntem edieke owo odude ke Christ, ema ebot enye obufa; ŋkani ŋkpɔ ema ebe efep: sese, emekabare edi mbufa.

ŊWED MBON GALATIA 6:15

Mbobi idige ŋkpɔ, eritre ndina mbobi inyuŋ idige ŋkpɔ, edi erimana obufa edi ŋkpɔ.

ŊWED MBON EPHESUS 2:1

MBUFO nde ekenyuŋ ekpaŋa ke ndudue ye mme idiɔk-ŋkpɔ mbufo,

DEUTERONOMY 29:4

edi Jehovah ika-inɔŋɔ mbufo esit eke ɔfiɔkde, ye enyin eke okutde, ye utɔŋ eke okopde, tutu osim mfin emi.

TITUS 3:5

itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

1 JOHN 3:9

Baba owo kiet eke Abasi okobonde inamke idiɔk-ŋkpɔ, koro se Abasi adade obon enye nte eyen oduŋde enye ke idem; enye inyuŋ ikemeke ndinam idiɔk-ŋkpɔ, sia edide Abasi okobon enye.

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.

1 JOHN 5:4

Koro kpukpru owo eke Abasi okobonde ekan ererimbot; ndien emi edi erikan eke akakande ererimbot, kpa mbuɔtidem nnyin.

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,