JOHN 3:29 - Edisana ñwed Abasi Ibom

²⁹ Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

JOHN 3:29 ပူးပေါင်းရင်းမြစ်များ

IKWƆ SOLOMON 3:11

Mbufo nditɔ-iban Zion ewɔŋɔ ese edidem Solomon ayarade anyanya emi eka esie akayarade enye ke usen ndɔ esie, ye ke usen idaresit esie.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

ISAIAH 54:5

Koro andibot fi edide uberi; Jehovah mme udim edi enyiŋ esie; andifak fi onyuŋ edi Edisana Abasi Israel; enye eyekere Abasi ofuri ererimbot.

ISAIAH 66:11

man mbufo ewap eba ndɔŋesit esie eyuhɔ: man mbufo enyimi uyuhɔ ubɔŋ esie enyuŋ edat esit.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

HOSEA 2:19

Ndien nyebem fi nnim nnɔ idem mi ke nsinsi; ŋkɔm nyebem fi nnim nnɔ idem mi ke edinen ido, ye ke ikpe, ye ke ima, ye ke mfɔn.

MATTHEW 22:2

Obio Ubɔŋ Heaven ebiet edidem kiet, emi anamde udia-ndɔ ɔnɔ eyen esie;

MATTHEW 25:1

ADAŊORO eyeda Obio Ubɔŋ Heaven edomo ye nditɔ-iban duop, eke emende utuenikaŋ mmɔ ewɔŋɔ eka ekosobo ye ɔdɔ-ndɔ.

MATTHEW 9:15

Ndien Jesus ɔdɔhɔ mmɔ ete, Nte nditɔ ufɔk-ndɔ emekeme ndifuhɔ adaŋa ini nte ebe-ndɔ odude ye mmɔ? Edi mme usen eyedi eke edibɔde mmɔ ebe-ndɔ; mmɔ eyetre udia adaŋoro.

LUKE 15:6

Ndien ke ini enye osimde ufɔk, okot mme ufan ye mbɔhiduŋ esie edi, ete mmɔ, Edara ye ami, koro mma ŋkut erɔŋ mi emi okosopde.

JOHN 15:11

Mma ntiŋ mme ŋkpɔ emi nnɔ mbufo, man idaresit Mi odu ke mbufo, idaresit mbufo onyuŋ ɔyɔhɔ.

JOHN 16:24

Tutu osim ini emi mbufo ikebeŋeke baba ŋkpɔ kiet ke enyiŋ Mi: ebeŋe, ndien mbufo eyebɔ, man idaresit mbufo ɔyɔhɔ.

JOHN 17:13

Edi ke emi mmɔŋ nnyɔŋ ntiene Fi; ndien ntiŋ mme ŋkpɔ emi ke ererimbot, man mmɔ enyene idaresit Mi ɔyɔhɔ-ɔyɔhɔ ke esit mmɔ.

JOHN 3:30

Enye enyene ndidiɔŋ ŋkpon ŋka iso, edi ami nnyene ndidiɔŋ ŋkabare ŋkpri.

2 ŊWED CORINTH 11:2

Koro mmenyene ufup Abasi mbaŋa mbufo; koro ŋkada mbufo nnɔ ebe kiet, man ŋkpemen mbufo nte edisana eyen-aŋwan nnɔ Christ.

ŊWED MBON PHILIPPI 2:2

Yak mbufo edi mbon esit kiet, emi enyuŋ enyenede ima kiet, enyuŋ enyenede iwuk kiet, ye ekikere kiet.

1 JOHN 1:4

nnyin inyuŋ iwet ŋkpɔ emi, man idaresit nnyin ɔyɔhɔ.

2 JOHN 1:12

Mmenyene ediwak ŋkpɔ ndiwet nnɔ mbufo; edi mmaŋa ndida ŋwed ye mmɔŋ-ŋwed ŋwet. Edi mmenyene idori-enyin, nte nyedi ke ɔtɔ mbufo, nneme nneme ye mbufo iso ye iso, man mbufo enyene ɔyɔhɔ idaresit.

ERIYARARE 21:9

Ekem kiet ke otu mme angel itiaba, emi enyenede eso itiaba oro eyɔhɔde ye akpatre ufen itiaba, edi edidɔhɔ mi ete, Di ken, nyewut fi ŋwan-ndɔ, ŋwan Eyen-erɔŋ.