JOHN 3:27 - Edisana ñwed Abasi Ibom

²⁷ John ɔbɔrɔ ete, Owo ikemeke ndinyene baba ŋkpɔ kiet, ibɔhɔke Abasi etie ke heaven ɔnɔ enye.

JOHN 3:27 ပူးပေါင်းရင်းမြစ်များ

JEREMIAH 1:5

Ke mmeŋka-mbotke fi kaŋa ke idibi, mma mfiɔk fi; ke afo muka-unyuŋ utoho ke itieeyen, mma ndianare fi nnim nte prophet nnɔ mme idut.

JEREMIAH 17:16

Ndien ami ŋkawarake ndiwɔŋɔre ke eritiene fi nte ekpemerɔŋ, ŋkonyuŋ nyomke usen ata ukut; afo ɔmɔfiɔk: se itode mi ke inua ana fi ke iso.

AMOS 7:15

ndien Jehovah ada mi ke ini ntienede ŋkpri ufene, Jehovah onyuŋ ɔdɔhɔ mi, ete, Ka ketiŋ prophecy nɔ ikɔt mi Israel.

NUMBERS 17:5

Ndien ama ekem esaŋ owo eke ndimekde, eyesehe: ntem ke ndisuk nsukuyo nditɔ Israel emi mmɔ esukde mbufo, nnam enye ɔkpɔŋ mi.

MATTHEW 21:25

Baptism John okoto mmɔŋ? me oto heaven, me oto owo? Edi mmɔ eneni ke otu idem mmɔ, ete, Nnyin ima idɔhɔ ite, Oto heaven, Enye eyedɔhɔ nnyin ete, Nsinam mbufo mikonimke enye ke akpanikɔ ndien?

MATTHEW 25:15

Ndien enye ɔnɔ owo kiet talent ition, ɔnɔ owo efen iba, ɔnɔ owo efen kiet; ɔnɔ owo kiet kiet nte ukeme esie edide; ndien enye aka idut efen.

MARK 13:34

Etie nte owo ɔkpɔŋde ufɔk esie aka akadaŋ ke idut efen, onyuŋ ɔnɔ mme anam utom esie odudu, ɔnɔ owo kiet kiet utom esie, onyuŋ ɔdɔhɔ etie-usuŋ ŋko ete etie ekpeme.

JOHN 10:41

Ndien ediwak owo etiene Enye, enyuŋ edɔhɔ ete, Ke akpanikɔ John ikanamde idiɔŋɔ; edi kpukpru se John eketiŋde abaŋa owo emi edi akpanikɔ.

JOHN 6:65

Enye onyuŋ ɔdɔhɔ ete, Emi esin Mi ndɔhɔ mbufo nte, Baba owo kiet ikemeke nditiene Mi, ibɔhɔke Ete ɔnɔ enye ukeme.

ŊWED MBON ROME 1:5

(emi ke ubɔk Esie ke mma mbɔ mfɔn ye idaha apostle, ndida nnam kpukpru mme idut esuk ibuot ke mbuɔtidem, kabaŋa enyiŋ Esie:

ŊWED MBON ROME 12:6

Sia nnyin imenyene enɔ eke edide nsio-nsio, nte asaŋade ekekem ye mfɔn eke enɔde nnyin; edieke enɔde nnyin ukwɔrɔ-ikɔ, yak nnyin ikwɔrɔ ikɔ nte asaŋade ekekem ye idomo mbuɔtidem nnyin;

1 ŊWED CORINTH 1:1

PAUL, emi ekekotde ete edidi apostle Jesus Christ ke uduak Abasi,

1 ŊWED CORINTH 12:11

Edi kpukpru oruk erinam oro ke edi Spirit kiet anam; Enye edeme ɔnɔ kpukpru owo kiet kiet nte Enye amade.

1 ŊWED CORINTH 15:10

Edi oto mfɔn Abasi ndi se ndedi: ndien mfɔn emi Abasi ɔnɔde mi ikɔwɔrɔke ikpikpu; edi mmanam utom ŋkan mmɔ kpukpru; inyuŋ idige ami nnam, edi mfɔn Abasi eke odude ye ami anam.

1 ŊWED CORINTH 3:5

Apollos edi nso? Paul onyuŋ edi nso? Mmɔ edi mme isuŋutom, emi okotode mmɔ mbufo enim ke akpanikɔ, nte Ɔbɔŋ ɔnɔde mmɔ kiet kiet.

1 ŊWED CORINTH 4:7

Koro anie anam fi ɔkpuhɔre ye owo eŋwen? Nso ŋkpɔ ke onyuŋ enyene eke mukɔbɔhɔ bɔ? Ndien edieke ɔkɔbɔde bɔ, nsinam oburede mbure nte ŋkpɔ eke mukɔbɔhɔ.

ŊWED MBON GALATIA 1:1

PAUL emi edide apostle (itie emi itoho owo, inyuŋ idige owo enɔ, edi Jesus Christ ɔnɔ, ye Abasi Ete, emi akanamde Enye eset ke mkpa),

ŊWED MBON EPHESUS 1:1

PAUL, emi edide apostle Christ Jesus oto ke uduak Abasi, ewet ɔnɔ esɔk ikɔt Abasi emi edude ke Ephesus, ye mbon akpanikɔ ke Christ Jesus.

1ŊWED TIMOTHY 2:7

ekenyuŋ enim mi ete ndi isuŋutom ye apostle mbaŋa ŋkpɔ emi (ntiŋ akpanikɔ, nsuhu nsu), ye andikpep mme Gentile ke mbuɔtidem ye akpanikɔ.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.