JOHN 3:2 - Edisana ñwed Abasi Ibom

² Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

JOHN 3:2 ပူးပေါင်းရင်းမြစ်များ

1 NDIDEM 17:24

Ndien ŋwan oro ɔdɔhɔ Elijah, ete, Ke emi ke mfiɔk nte ke afo edi owo Abasi, uyo Jehovah emi odude fi ke inua onyuŋ edi akpanikɔ ŋko.

ISAIAH 51:7

Ekop uyo mi, mbufo emi efiɔkde eti ido, mbio emi mbet mi odude mmɔ ke esit; mbufo ekufehe esuene owo, nsia okonyuŋ oyomo mbufo abaŋa isuŋi mmɔ.

JEREMIAH 38:16

Ndien edidem Zedekiah ɔŋwɔŋɔ ɔnɔ Jeremiah ndibe-ndibe, ete, Ma uwem Jehovah emi anamde nnyin idi ukpɔŋ emi, ndiwotke fi ndinyuŋ nsinke fi ke ubɔk mmɔ eke eyomde uwem fo.

MATTHEW 22:16

Ndien mmɔ esio mbet mmɔ ye mme Herodian edɔŋ ke ɔtɔ Esie, ete, Andikpep, nnyin imɔfiɔk ite Afo edi akpanikɔ, onyuŋ ekpep owo usuŋ Abasi ke akpanikɔ, unyuŋ ukereke owo; koro Afo uteŋeke owo enyin.

MATTHEW 23:7

ye ikpɔ itie ke mme synagogue, ye ekɔm ke aŋwa-urua: enyuŋ ema owo ekot mmɔ, ete,

MATTHEW 23:8

Rabbi (Andikpep mi). Edi ekuyak ekot mbufo, ete, Rabbi: koro Kiet edi Andikpep mbufo, kpukpru mbufo enyuŋ edi nditɔ-ete.

MARK 12:14

Ke ini mmɔ edide, edɔhɔ Enye ete, Andikpep, nnyin imɔfiɔk ite Afo edi akpanikɔ, unyuŋ ukereke owo; koro Afo uteŋeke owo enyin, edi ekpep owo usuŋ Abasi ke akpanikɔ. Nte enen ndinɔ Caesar utomo, mme inenke? Nte nnyin inɔ, mme ikunɔ?

JOHN 1:38

Ekem Jesus ɔwɔŋɔre okut nte mmɔ etienede onyuŋ obup mmɔ ete, Mbufo eyom nso? Mmɔ ete Enye, Rabbi, (oro ɔwɔrɔ ete, Andikpep) oduŋ ke mmɔŋ? Enye ete mmɔ, Edi edise.

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 12:37

Edi okposuk edi oro Enye akanamde adaŋa uwak-uwak mme idiɔŋɔ ke iso mmɔ, mmɔ ibuɔtke idem ye Enye:

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 15:24

Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

JOHN 2:11

Jesus akanam akpa idiɔŋɔ emi ke Cana ke Galilee, ayarare ubɔŋ Esie; mbet Esie enyuŋ ebuɔt idem ye Enye.

JOHN 20:16

Jesus ete enye, Mary. Enye ɔwɔŋɔde ada okot Enye ke usem Hebrews ete, Rabboni, oro edi, Andikpep.

JOHN 3:26

Ntre ke mmɔ etiene John ekɔdɔhɔ enye ete, Rabbi, Owo oro okodude ye afo ke edem Jordan oko, emi afo okonyuŋ etiede ntiense abaŋa Enye, Sese, Enye ke onim baptism, kpukpru owo enyuŋ etiene Enye.

JOHN 4:31

Ke ufɔt ini oro mbet Esie ekpe ye Enye ete, Rabbi, di didia ŋkpɔ.

JOHN 5:36

Edi Ami mmenyene ikɔ-ntiense emi okponde akan eke John; koro mme utom emi Ete ɔkɔnɔde Mi ete nnam, kpa utom emi nnanam, mmɔ enyuŋ edi ntiense enɔ Mi, ete, Ete okosio Mi ɔdɔŋ.

JOHN 6:2

Edi akamba otu owo etiene Enye, koro mmɔ ekutde mme idiɔŋɔ eke Enye anamde ke idem mmɔ eke edɔŋɔde.

JOHN 7:31

Edi ediwak owo emi edude ke otu oro ebuɔt idem ye Enye: mmɔ enyuŋ edɔhɔ ete, Ke adaŋemi Christ edidide, nte Enye eyenam idiɔŋɔ eke ewakde ekan se owo emi akanamde?

JOHN 9:16

Mmɔdo ndusuk mme Pharisee edɔhɔ ete, Owo emi itoho Abasi, koro Enye minimke sabbath. Mmɔ efen ete, Owo emi edide anam-idiɔk ekeme didie ndinam oruk idiɔŋɔ eke etiede ntem? Ntre ke ubahare odu ke otu mmɔ.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

ŊWED MBON PHILIPPI 1:14

ŋkpɔkɔbi mi onyuŋ anam ediwak nditɔ-ete ke Ɔbɔŋ esɔŋɔ esit ekaha etiŋ ikɔ Abasi ye uko, enana ndik.

JUDGES 6:27

Ndien Gideon ada ikɔt esie owo duop, onyuŋ anam kpa nte Jehovah ɔkɔhɔde enye: ndien, edikem, koro enye efehede ufɔk ete esie, ye mbio-obio, enye inamke ke uwemeyo, edi anam ke okoneyo.