JOHN 21:25 - Edisana ñwed Abasi Ibom

²⁵ Ediwak ŋkpɔ eŋwen enyuŋ edu emi Jesus akanamde: ndien edieke ekpewetde mmɔ kpukpru, etie mi nte kpa idem ererimbot ikpekemeke ndikɔhɔ se ewetde.

JOHN 21:25 ပူးပေါင်းရင်းမြစ်များ

ŊWED JOB 26:14

Sese, mme mmɔ emi edi utit usuŋ esie: ndien ekop esisit adaŋa didie ebaŋa enye! edi ama edi uyom odudu esie, anie owo otim ɔfiɔk enye?

ŊWED MME PSALM 40:5

Afo, O Jehovah Abasi mi, amanam utibe ido fo, ye ekikere fo eke ekerede nnyin, ewak: idige nte etiŋde mmɔ enɔ fi: mmoyom ndisiak nnyuŋ mbuk mmɔ, edi mmɔ ekan nte ebatde.

ŊWED MME PSALM 71:15

Inua mi eyebuk mfɔnido fo, ye erinyaŋa fo ofuri usen: koro mmemfiɔkke ibat mmɔ.

ECCLESIASTES 12:12

Ndien ŋko-ŋko, eyen mi, kop item: erinam ediwak ŋwed inyeneke erikure; erikpep ŋkaha onyuŋ esin idem akpa mba.

AMOS 7:10

Ndien Amaziah oku ke Bethel ɔdɔŋ ekedɔhɔ Jeroboam edidem Israel, ete, Amos omoduk odu abaŋa fi ke ufɔt Israel; isɔŋ ikemeke ndiyɔ kpukpru ikɔ esie.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 19:24

Mmonyuŋ ntɔŋɔ ntak ndɔhɔ mbufo nte, edi mmemmem ŋkpɔ ye camel ndibe ke odudu abiabon, akan owo inyene ndiduk ke Obio Ubɔŋ Abasi.

MARK 5:16

Mmɔ emi ekokutde ŋkpɔ emi enyuŋ ebuk enɔ mmɔ nte ɔkɔwɔrɔde ɔnɔ owo emi mme demon ekemumde, ye se ibaŋade mme edi.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 20:35

Ke kpukpru ŋkpɔ ŋkɔnɔ mbufo uwut-ŋkpɔ, man mbufo enam utom ntem eŋwam mbio mmem-idem, enyuŋ eti ikɔ Ɔbɔŋ Jesus, emi Enye ɔdɔhɔde ete, Ɔfɔn ndinɔ akan ndibɔ.

MME HEBREW 11:32

Ndien nso ke ndidɔdɔ mbe emi? Koro ini ididuhe ami ndibuk mbuk Gideon, ye Barak, ye Samson, ye Jephthah, ye David, ye Samuel,