JOHN 21:15 - Edisana ñwed Abasi Ibom

¹⁵ Ntre ke mmɔ ekedia ŋkpɔ, Jesus obup Simon Peter ete, Simon, eyen John, nte ama Mi akan mmɔ emi? Peter ɔdɔhɔ Enye ete, Edi ntre, Ɔbɔŋ. Afo ɔmɔfiɔk ete mmama fi. Jesus ete enye, Bɔk nditɔ-erɔŋ Mi.

JOHN 21:15 ပူးပေါင်းရင်းမြစ်များ

GENESIS 33:13

Ndien enye ete, Ɔbɔŋ mi ɔmɔfiɔk ete ke nditɔ oro edi nsek, erɔŋ ye enaŋ eke eyomode, enyuŋ edu ye ami: ekpesɔŋɔ ebin mmɔ baba usen kiet, kpukpru ufene ekpekpaŋa.

2 SAMUEL 7:20

Ndien nso ŋkpɔ eŋwen ke David edidɔhɔ fi? Ŋkɔm afo ɔmɔfiɔk owo fo, O Ɔbɔŋ Jehovah.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

JEREMIAH 23:4

Ndien nyedori mme ɔbɔk eke edibɔkde mmɔ, ndien mmɔ idifeheke aba ndik, idem idinyuŋ ikpaha aba mmɔ, mmɔ idinyuŋ isopke: ke edi Jehovah ɔdɔhɔ.

JEREMIAH 3:15

nyenyuŋ nnɔ mbufo owo eke ebɔkde mbufo nte esit mi amade, ndien mmɔ eyeda ifiɔk ye ɔniɔŋ ebɔk mbufo.

EZEKIEL 34:23

Ndien nyenam ɔbɔk kiet eke edibɔkde mmɔ adaha ada akan mmɔ, kpa owo mi David; enye eyebɔk mmɔ, ndien mmɔ eyenyene enye ke andibɔk.

EZEKIEL 46:24

Mme mmɔ emi edi ufɔk mme etem-ŋkpɔ, emi mme anam-ŋkpɔ ufɔk etemde mme uwa emem mbio-obio do.

MATTHEW 10:37

Owo eke amade ete me eka akan Mi idotke ye Ami: owo eke onyuŋ amade eyen eren esie me eyen esie aŋwan akan Mi idotke ye Ami.

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

MATTHEW 26:33

Edi Peter ɔbɔrɔ Enye ete, Kpukpru owo ekpɔduɔŋɔ kabaŋa Fi ami ndiduɔhɔ tutu amama.

MATTHEW 26:35

Peter ete Enye, Akpanana nte ŋkpa ye Afo, ndikaŋke Fi. Kpukpru mbet enyuŋ edɔhɔ kpa ntre.

MARK 14:29

Edi Peter ɔdɔhɔ Enye ete, Kpukpru owo ekpɔduɔŋɔ, ami ndiduɔhɔ.

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

LUKE 22:32

nte mbuɔt-idem okubɔhɔ fi: ndien afo ŋko, ke ini editɔŋɔde ntak akabare, sɔŋɔ nditɔ-ete fo idem.

JOHN 1:42

Ada enye edi ke ɔtɔ Jesus. Jesus owuk enyin ese enye, ete enye, Afo edi Simon, eyen John; edikot fi Cephas (oro ɔwɔrɔ ete, Peter).

JOHN 13:37

Peter ete Enye, Ɔbɔŋ, nsidi ntak eke mme-ndikemeke nditiene Fi ke idem idahemi?

JOHN 16:27

koro Ete ke Idem Esie amama mbufo, sia mbufo ekamamade Mi, enyuŋ enimde ke akpanikɔ ete Ami ŋkoto ke ɔtɔ Ete ndi.

JOHN 21:12

Jesus ete mmɔ, Edi edidia ŋkpɔ. Mbet baba kiet idehede ibup Enye ete, afo edi anie? koro mmɔ efiɔkde ete edi Ɔbɔŋ.

JOHN 21:7

Ntre ke mbet oro Jesus amade ɔdɔhɔ Peter ete, Edi Ɔbɔŋ. Edi ke ini simon Peter okopde ete edi Ɔbɔŋ, enye ɔbɔbɔ ɔfɔŋ ke idem (koro enye eketie iferi), onyuŋ ɔduɔk idem ke inyaŋ.

JOHN 8:42

Jesus ete mmɔ, Edieke Abasi ekpedide Ete mbufo, mbufo ekpema Mi: koro Ami ŋkoto ke Abasi ŋwɔrɔ ndi; ŋkonyuŋ ndige ke odudu Idem Mi, edi Enye ɔkɔdɔŋ Mi.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

UTOM MME APOSTLE 20:29

Mmɔfiɔk nte ke mma nnyɔŋ, mme idiɔk unam eyeduk ke otu mbufo, idiyuŋ ituaha otu erɔŋ mbɔm;

ŊWED MBON ROME 14:1

EDARA owo eke minyeneke ɔkpɔsɔŋ mbuɔtidem, edi ekuneni ebaŋa mme mfaŋa esit esie.

ŊWED MBON ROME 15:1

EDI nnyin emi ikopde idem ikpobiom mmem-idem mbon mmem-idem, itre ndinem idem nnyin esit.

1 ŊWED CORINTH 8:11

Ntre ke oto ke ifiɔk fo, owo emi edide mmem-mmem atak, eyen-ete, emi Christ akakpade ke ibuot esie.

ŊWED MBON GALATIA 5:6

Koro ke Christ Jesus erina mbobi ifɔnke ŋkpɔ erinyuŋ ntre ndina mbobi ifɔnke ŋkpɔ, edi mbuɔtidem emi anamde utom ke ima.

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

ŊWED MBON EPHESUS 6:24

Mfɔn akpakam odu ye kpukpru mmɔ emi emade Ɔbɔŋ nnyin Jesus Christ ye ima eke midibiarake.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

1 PETER 1:8

Akanam mbufo ikwe Enye, edi emama Enye. Okposuk edi nte mbufo mikwe Enye ke emi, mbufo ebuɔt idem ye Enye, enyuŋ esɔŋɔ edara ye idaresit eke ayaŋade owo nditiŋ onyuŋ ɔyɔhɔde ye ubɔŋ;

1 PETER 2:2

nte nsek-nditɔ, eyom ata mmɔŋ-eba Spirit, man mbufo eda enye ekɔri esim erinyaŋa,

1 PETER 2:25

Nde unan Esie enam udɔŋɔ okure mbufo. Koro mbufo ekasasaŋa eyo nte erɔŋ, edi ke emi emafiak etiene Andibɔk ye Andikpeme ukpɔŋ mbufo.

1 JOHN 4:19

Nnyin ima ima, koro Enye ekebemde iso ama nnyin.

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.