JOHN 21:12 - Edisana ñwed Abasi Ibom

¹² Jesus ete mmɔ, Edi edidia ŋkpɔ. Mbet baba kiet idehede ibup Enye ete, afo edi anie? koro mmɔ efiɔkde ete edi Ɔbɔŋ.

JOHN 21:12 ပူးပေါင်းရင်းမြစ်များ

MATTHEW 22:46

Ndien ndomo owo kiet ikemeke ndibɔrɔ Enye ikɔ, ndien ɔtɔŋɔde ke usen oro aka iso, baba owo kiet idehede ibup Enye aba mbume efen.

MARK 9:32

Edi mmɔ ifiɔkke se ikɔ oro ɔwɔrɔde, onyuŋ anam mmɔ ndik ndibup Enye.

LUKE 9:45

Edi mmɔ ifiɔkke se ikɔ emi ɔwɔrɔde, koro okodibede mmɔ ke enyin, mbak mmɔ edifiɔk enye: ndien ndik anam mmɔ ndibup Enye mbaŋa ŋkpɔ emi.

JOHN 16:19

Nnyin ifiɔkke se ikɔ Esie ɔwɔrɔde. Jesus ɔfiɔk ete ɔdɔŋ mmɔ ndibup Imɔ; ntre ke Enye ete mmɔ, Nte ebup mbume ke idem mbufo ebaŋa ikɔ eke ntiŋde, nte, Ke ekpri ibio ini mbufo idikwe Mi, ke ekpri ibio ini ŋko mbufo eyekut Mi?

JOHN 21:11

Ntem ke Simon oduk ke ubom okodudi iyire ɔdɔk obot; iyire onyuŋ ɔyɔhɔ ye ikpɔ iyak, ikie ye aba ye duopeta; ndien okposuk edi nte iyak ewakde ntem, iyire iwahake.

JOHN 21:15

Ntre ke mmɔ ekedia ŋkpɔ, Jesus obup Simon Peter ete, Simon, eyen John, nte ama Mi akan mmɔ emi? Peter ɔdɔhɔ Enye ete, Edi ntre, Ɔbɔŋ. Afo ɔmɔfiɔk ete mmama fi. Jesus ete enye, Bɔk nditɔ-erɔŋ Mi.

JOHN 4:27

Ekem ke ini oro mbet Esie eto edi; idem onyuŋ akpa mmɔ ndikut nte Enye enemede nneme ye ŋwan; edi ndomo owo mmɔ kiet ibukpe Enye ete, Oyom nso? mme, Nsinam enemede nneme ye enye?

UTOM MME APOSTLE 10:41

onyuŋ ɔnɔ Enye ete owut Idem, idige ke enyin kpukpru owo edi ke enyin mme ntiense emi Abasi ekebemde iso emek, oro edi nnyin, emi ikadiade inyuŋ iŋwɔŋde ŋkpɔ ye Enye ke Enye ama ekeset ke mkpa.