JOHN 20:17 - Edisana ñwed Abasi Ibom

¹⁷ Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

JOHN 20:17 ပူးပေါင်းရင်းမြစ်များ

2 NDIDEM 4:29

Ndien Elisha ɔdɔhɔ Gehazi, ete, Bɔbɔ mbɔbɔ ke isin, nyuŋ da esaŋ mi ke ubɔk fo, ka: okut owo ke usuŋ, kukɔm enye; owo onyuŋ ɔkɔm fi, kuyere enye; ndien dori eyen oro esaŋ mi ke iso.

2 NDIDEM 7:9

Ekem kiet ɔdɔhɔ kiet, ete, Nnyin inamke se inende: mfin emi edi usen ikɔ idaresit, ndien nnyin idop uyo: ima ibet usiere, nnyin iyekut ufen; eyak nnyin ikam ika ndien, iketiŋ inɔ ufɔk edidem.

ŊWED MME PSALM 22:22

Nyebuk enyiŋ fo nnɔ nditɔ-ete mi: nyetoro fi ke ufɔt mbon-esop.

ŊWED MME PSALM 43:4

Ndien nyeka ke itie-uwa Abasi, kpa Abasi ata idaresit mi: nyeda harp ŋkɔm fi, O Abasi, Abasi mi.

ŊWED MME PSALM 48:14

Koro Abasi emi edide Abasi nnyin ke nsinsi: enye eyeda nnyin usuŋ tutu osim ke mkpa.

ŊWED MME PSALM 68:18

Ɔbɔŋ odu ke otu mmɔ; Sinai odu ke edisanan ebiet. Afo ɔkɔdɔk ke enyɔŋ, ataŋ mbuot ekɔŋ ɔnyɔŋ: ɔbɔ enɔ ke otu owo; ye ke otu mbon nsɔŋ-ibot ŋko-ŋko, man afo oduŋ do, O Jehovah Abasi.

ŊWED MME PSALM 89:26

Enye eyeseme okot mi, ete, Afo edi ete mi ye Abasi mi, ye akwa itiat erinyaŋa mi.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

JEREMIAH 32:38

Ndien mmɔ eyedi ikɔt mi, ami nyenyuŋ ndi Abasi mmɔ:

EZEKIEL 36:28

Ndien mbufo eyeduŋ ke isɔŋ emi ŋkɔnɔde mme ete mbufo, ndien mbufo eyedi ikɔt mi; ami nyenyuŋ ndi Abasi mbufo.

EZEKIEL 37:27

Iduŋ mi eyenyuŋ odu ye mmɔ: ndien ami nyedi Abasi mmɔ, mmɔ eyenyuŋ edi ikɔt mi.

MATTHEW 12:50

Koro owo ekededi eke anamde se Ete Mi emi odude ke heaven amade, enye edi eyen-eka Mi eren ye eyen-eka Mi aŋwan, ye eka Mi.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 28:7

Enyuŋ esɔp eka ekɔdɔhɔ mbet Esie, ete, Enye emeset ke mkpa; ndien sese, Enye ebem mbufo iso aka Galilee; mbufo edikut Enye do; sese, mmetiŋ do nnɔ mbufo.

MARK 12:26

Edi kabaŋa mme akpa-mkpa, nte enamde mmɔ eset; nte mbufo ikokotde ke ŋwed Moses, ke itie emi etiŋde abaŋa eto, ite Abasi ɔkɔdɔhɔ enye ete, Ami ndi Abasi Abraham, ye Abasi Isaac, ye Abasi Jacob.

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.

LUKE 10:4

Ekukama ekpat okuk, mme ekpat udia, mme ikpa-ukot: ekunyuŋ ekɔm owo ke usuŋ.

JOHN 13:1

KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

JOHN 13:3

sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,

JOHN 14:2

Ediwak ufɔk edu ke ebiet Ete Mi; edieke mikpedige ntre, ŋkpɔdɔhɔ mbufo; koro mmɔŋ ŋka ŋkotim itie nnim nnɔ mbufo.

JOHN 14:28

Mbufo ema ekop ete ŋkɔdɔhɔ mbufo, nte, Mmɔŋ ndinyɔŋ, ndien nyefiak ntiene mbufo. Edieke mbufo emade Mi, mbufo ekpadara, sia nnyɔŋde ntiene Ete: koro Ete omokpon akan Mi.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 16:28

Ŋkoto ke ɔtɔ Ete ndi ke ererimbot; nnyuŋ mmɔŋ ŋkpɔŋ ererimbot nnyɔŋ ntiene Ete.

JOHN 17:11

Ndiduhe aba ke ererimbot, ndien mmɔ edu ke ererimbot, ndien Ami ke nnyɔŋ ntiene Fi. Edisana Ete, da enyiŋ Fo kama mmɔ emi ɔkɔnɔde Mi, man mmɔ edi kiet, kpa nte nnyin idide kiet.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

JOHN 20:27

Ndien Enye edidɔhɔ Thomas ete, Nyan nnuenubɔk fo, se ubɔk Mi; nyuŋ nyanare ubɔk fo sin ke ŋkaŋ Mi: kunyuŋ unana mbuɔtidem, edi nim ke akpanikɔ.

JOHN 7:33

Mmɔdo Jesus ete, Ke ekpri ibio ini kaŋa ndu ye mbufo, ndien ndinyɔŋ ntiene Enye emi ɔkɔdɔŋde Mi.

ŊWED MBON ROME 8:29

Koro mme owo emi Enye ekebemde iso ɔfiɔk, ke Enye okonyuŋ ebem iso onim ete mmɔ ekpekabare ebiet Imɔ, man Enye oro edidi akpan ke otu ediwak nditɔ-ete:

2 ŊWED CORINTH 6:18

Nnyuŋ ndi Ete mbufo. Ndien mbufo eyedi nditɔ iren Mi ye nditɔ Mi iban. Ntem ke Jehovah Ata Ɔkpɔsɔŋ ɔdɔhɔ.

ŊWED MBON GALATIA 3:26

Koro kpukpru mbufo edi nditɔ Abasi oto ke mbuɔtidem mbufo ke Christ Jesus.

MME HEBREW 11:16

Edi ke emi mmɔ eyom isɔŋ eke ɔfɔnde akan, oro edi, isɔŋ eke odude ke heaven. Mmɔdo inamke Abasi but ndikere Abasi mmɔ; koro Enye ama ebeŋe Obio ɔnɔ mmɔ.

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

1 JOHN 3:2

Ndima, nnyin idi nditɔ Abasi ke emi; ndien iyarakere kaŋa iwut se nnyin ididide. Edi nnyin ifiɔk ite, edieke Enye ediwɔrɔde owut idem nnyin iyebiet Enye, koro nnyin iyekut Enye nte Enye edide.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.