JOHN 20:16 - Edisana ñwed Abasi Ibom

¹⁶ Jesus ete enye, Mary. Enye ɔwɔŋɔde ada okot Enye ke usem Hebrews ete, Rabboni, oro edi, Andikpep.

JOHN 20:16 ပူးပေါင်းရင်းမြစ်များ

GENESIS 22:1

EDIKEM ke ŋkpɔ oro ama ekebe, Abasi odomo Abraham; ndien ɔdɔhɔ enye, ete, Abraham. Ndien enye ete,

GENESIS 22:11

Ndien angel Jehovah etie ke enyɔŋ okot enye, ete, Abraham, Abraham. Ndien enye ete, Se ami mi.

GENESIS 45:12

Ndien, sese, enyin mbufo, ye enyin Benjamin eyeneka mi ekut, ete ke edi inua mi ɔdɔhɔ ye mbufo.

EXODUS 3:4

Ndien adaŋemi Jehovah okutde ete enye awaha edi ndise, Abasi etie ke ufɔt eto oro okot enye ete, Moses, Moses! Ndien enye ete, Se mi mi.

EXODUS 33:17

Ndien Jehovah ete Moses, Nyenam idem ŋkpɔ emi afo ɔdɔhɔde: koro nnende iso ye afo, mmonyuŋ mfiɔk enyiŋ fo.

IKWƆ SOLOMON 3:4

Ke ŋkpɔŋde mmɔ esisit, ŋkut enye emi ukpɔŋ mi amade: mmum enye, nnyun nnyimeke enye ndiyak, tutu nda enye nduk ke ufɔk eka mi, nduk ke ubet enye emi akamande mi.

IKWƆ SOLOMON 5:2

Ami ŋkede idap, edi esit mi edemere. Uyo ama mi! enye atuak, ete, O eyen-eka mi, ŋwan ima mi, ibiom mi, emi eyede ama, sio usuŋ nɔ mi: koro mbara ɔyɔhɔde mi ke ibuot, ntɔi okoneyo enyuŋ eyɔhɔ mi ke idet.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

MATTHEW 14:27

Edi idaha oro Jesus etiŋ ikɔ ye mmɔ ete, Esɔŋ esit; edi Ami; ekufehe ndik.

MARK 10:51

Jesus ɔbɔrɔ enye ete, Oyom ete nnam nso nnɔ fi? Nnan oro ete Enye, Rabboni, nyom nditɔŋɔ ntak ŋkut usuŋ.

LUKE 10:41

Edi Ɔbɔŋ ɔbɔrɔ ete, Martha, Martha, afo ayak ediwak ŋkpɔ etimere fi ekikere, enyuŋ enɔ fi afanikɔŋ:

JOHN 1:38

Ekem Jesus ɔwɔŋɔre okut nte mmɔ etienede onyuŋ obup mmɔ ete, Mbufo eyom nso? Mmɔ ete Enye, Rabbi, (oro ɔwɔrɔ ete, Andikpep) oduŋ ke mmɔŋ? Enye ete mmɔ, Edi edise.

JOHN 1:49

Nathanael ɔbɔrɔ Enye ete, Rabbi, Afo edi Eyen Abasi; Afo edi Edidem Israel.

JOHN 10:3

Etie-usuŋ eberere usuŋ ɔnɔ enye; mme erɔŋ enyuŋ ekop uyo esie: ndien enye okot mme erɔŋ esiemɔ ke enyin ke enyiŋ, onyuŋ ada mmɔ ɔwɔrɔ.

JOHN 11:28

Ndien ke ama ɔkɔdɔhɔ ntem, enye adaha okokot Mary eyen-eka esie ke ndibe, ete, Andikpep mmɔmi, Enye ke onyuŋ okot fi ete edi.

JOHN 13:13

Mbufo ekot Mi Andikpep ye Ɔbɔŋ, ndien emetim ekot, koro ndide se edɔhɔde.

JOHN 20:28

Thomas ɔbɔrɔ Enye ete, Ɔbɔŋ mi ye Abasi mi.

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

JOHN 5:2

Edi mkpɔdiɔhɔ-mmɔŋ odu do ke Jerusalem, ekpere inua-otop erɔŋ; ekot enye ke usem Hebrew ete, Bethesda; inua-otop ition enyuŋ edu ke esit.

JOHN 6:25

Ndien ke ini mmɔ ekutde Enye ke edem inyaŋ eken, mmɔ ebup Enye ete, Rabbi, Afo ekedi mi ini ewe?

UTOM MME APOSTLE 10:3

Ke ini ekperede hour ita ke uwemeyo, enye otim okut ke ŋkukut nte angel odukde etiene enye, onyuŋ ɔdɔhɔde enye ete, Cornelius.

UTOM MME APOSTLE 9:4

ndien enye ɔduɔ ke isɔŋ, onyuŋ okop uyo nte ɔdɔhɔde ete, Saul, Saul, nsinam afo ɔkɔbɔde Mi?

1 SAMUEL 3:10

Ndien Jehovah edi edida, onyuŋ okot kpa nte eke akpa, ete, Samuel, Samuel. Ndien Samuel ɔbɔrɔ, ete, Dɔhɔ; koro owo fo ɔmɔŋ okop.

1 SAMUEL 3:6

Ndien enye aka akana. Ndien Jehovah ɔtɔŋɔ ntak okot Samuel. Ndien Samuel adaha ke enyɔŋ aka ke ɔtɔ Eli, ɔkɔdɔhɔ ete, Se mi mi: ŋkɔm afo okokot mi. Ndien enye ɔbɔrɔ ete, Ŋkokotke, eyen mi; fiak ka kanana.