JOHN 20:1 - Edisana ñwed Abasi Ibom

¹ EDI ke akpa usen urua Mary Magdalene abak edi ke udi ke ŋkim-ŋwaŋa usenubɔk, onyuŋ okut ete ekemen itiat esio ke udi.

JOHN 20:1 ပူးပေါင်းရင်းမြစ်များ

MATTHEW 27:56

Mary Magdalene, ye Mary eka James ye Joseph, ye eka nditɔ Zebedee edu ke otu mmɔ.

MATTHEW 27:60

onim ke obufa udi esiemɔ, emi enye okotuŋde ke itiat; onyuŋ akpat akambia itiat eberi ke iso usuŋ udi, ɔnyɔŋ.

MATTHEW 27:64

Nɔ uyo ndien etim ekpeme udi tutu osim ɔyɔhɔ usen ita, mbak ndusuk mbet Esie edidi ediyip Enye, enyuŋ edɔhɔ ete, Enye ama eset ke mkpa.

MATTHEW 27:66

Mmɔ enyuŋ eka ekanam etim ekpeme udi, enim idiɔŋɔ ke itiat, mbon-ukpeme enyuŋ edu ye mmɔ.

MATTHEW 28:1

EDI ke utit sabbath, nte eyo ɔtɔŋɔde ndisiere ke akpa usen urua, Mary Magdalene ye Mary eken edi edise udi.

MATTHEW 28:2

Ndien sese, akwa unyek -isɔŋ odu: koro angel Jehovah okoto ke Heaven ɔsuhɔre edi edikpat itiat osio, onyuŋ etie ke esit.

MARK 15:46

Enye oro onyuŋ edep ɔfɔn linen ɔkɔŋɔre okpo ada ɔfɔŋ linen oro ɔbɔp Enye ke idem, onyuŋ onim Enye ke udi emi eketuŋde ke itiat: onyuŋ akpat itiat eberi ke inua udi.

MARK 16:9

Ke ini Jesus abakde eset ke akpa usen urua, ebem iso ayarare idem owut Mary Magdalene, emi Enye okosiode enye demon itiaba ke idem.

JOHN 11:38

Jesus ɔtɔŋɔ ntak omum mmum ke esit, ndien edi ke udi. Udi edi aba itiat, itiat onyuŋ ebere ke inua esie.

JOHN 11:41

Ntre ke mmɔ ekpat itiat esio. Edi Jesus emenere enyin Esie ke enyɔŋ, onyuŋ ɔdɔhɔ ete, Ete, mmɔkɔm Fi koro Afo okokopde uyo Mi.

JOHN 19:25

Ntem ke mbon-ekɔŋ enam ŋkpɔ emi. Edi eka Jesus, ye eyen-eka eka Esie, Mary ŋwan Clopas, ye Mary Magdalene ke eda ekpere cross Jesus.

JOHN 20:26

Ŋko ke usen itiaita ema ekebe, mbet Jesus etɔŋɔ ntak ebono ke ufɔk, Thomas onyuŋ odu ye mmɔ. Ke ema ekeberi usuŋ, Jesus edi edida ke ufɔt mmɔ, onyuŋ ɔdɔhɔ mmɔ ete, Emem osuk odu ye mbufo.

UTOM MME APOSTLE 20:7

Edi ke akpa usen urua, ke ini nnyin ibonode ɔtɔ kiet ndibuŋ uyo, Paul ɔkwɔrɔ ikɔ ɔnɔ mmɔ, koro enye aduakde ndikpɔŋ mmɔ ke ndaŋ-nsiere; enye onyuŋ etiŋ ikɔ tutu osim ufɔt okoneyo.

1 ŊWED CORINTH 16:2

Ke akpa usen urua, mbufo owo kiet kiet esio ŋkpɔ ke udori eke ekutde, ekpɔnɔre enim ŋkaŋ kiet, mbak mbufo edinyene nditip etibe ke ini ndide.

ERIYARARE 1:10

Ŋkodu ke Spirit ke usen Ɔbɔŋ ndien ŋkop, ɔkpɔsɔŋ uyo ke edem mi, emi ebietde uyo ukorowo, nte ɔdɔhɔde ete,