JOHN 2:25 - Edisana ñwed Abasi Ibom

²⁵ koro Enye ɔfiɔkde kpukpru owo, minyuŋ iyomke baba owo kiet etiŋ ɔnɔ Enye abaŋa owo; koro Enye ke Idem Esie ɔfiɔkde se idude owo ke esit.

JOHN 2:25 ပူးပေါင်းရင်းမြစ်များ

1 NDIDEM 8:39

afo tie ndien ke enyɔŋ, ebiet iduŋ fo, kop, nyuŋ dahado, nyuŋ nam, nyuŋ nɔ owo emi afo ɔfiɔkde esit esie, nte kpukpru usuŋ esie edide: koro afo ikpɔŋ ɔfiɔkde esit kpukpru nditɔ Adam;

ISAIAH 11:3

ndien uteŋe Jehovah eyenem enye esit: ndien enye idikpehe ikpe nte esede ke enyin, idinyuŋ ibiereke ikɔ nte okopde ke utɔŋ:

MATTHEW 9:4

Edi Jesus ɔfiɔk ekikere mmɔ, onyuŋ ete mmɔ, Nsinam mbufo ekerede idiɔk ekikere ke esit mbufo?

JOHN 1:42

Ada enye edi ke ɔtɔ Jesus. Jesus owuk enyin ese enye, ete enye, Afo edi Simon, eyen John; edikot fi Cephas (oro ɔwɔrɔ ete, Peter).

JOHN 1:47

Jesus okut Nathanael nte asaŋade edi, onyuŋ abaŋa enye ete, Sese, ata eyen Israel, emi ŋkari miduhe enye ke esit.

JOHN 13:11

Koro Enye ɔdiɔŋɔ owo eke edidade Enye ɔnɔ; oro esin Enye ɔdɔhɔ ete, idige kpukpru mbufo esana.

JOHN 6:61

Edi Jesus ɔfiɔk ke esit Esie ete mbet Imɔ ke esuk uyo ebaŋa ikɔ oro, onyuŋ ɔdɔhɔ mmɔ ete, Nte ikɔ emi esin mbufo eduɔ?

JOHN 6:64

Edi ndusuk owo edu ke otu mbufo emi minimke ke akpanikɔ. Koro toto ke eritɔŋɔ Jesus ɔdiɔŋɔ mmɔ eke minimke ke akpanikɔ, ye owo emi edidade Enye ɔnɔ.

DEUTERONOMY 31:21

Ndien ama ekem, ke ediwak mkpɔsɔŋ mme idiɔk-ŋkpɔ eke edisimde mmɔ, ikwɔ emi eyebɔrɔ ke iso mmɔ nte ntiense; koro enye midisopkde ke inua nditɔ mmɔ: koro mmɔfiɔk ekikere mmɔ emi mmɔ ekerede mfin emi, ke mmeŋka-ndaha mmɔ kaŋa nduk ke isɔŋ emi ŋkɔŋwɔŋɔke.