JOHN 2:10 - Edisana ñwed Abasi Ibom

¹⁰ Kpukpru owo ebem iso ɔnɔ owo eti wine; ndien ke ini mme owo ema ekeŋwɔŋ ediwak, ɔnɔ mmɔ se mifɔnke ikan; afo omomum eti wine onim tutu osim emi.

JOHN 2:10 ပူးပေါင်းရင်းမြစ်များ

GENESIS 43:34

Ndien eda udeme udia emi odude enye ke iso esɔk mmɔ: edi udeme Benjamin okpon akan udeme kpukpru mmɔ oro utim ikotion. Mmɔ enyuŋ eŋwɔŋ ŋkpɔ, enyuŋ ebre ye enye.

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

MATTHEW 24:49

edinyuŋ ɔtɔŋɔde ndimia ekemɔ mme asaŋutom esie, edinyuŋ adiade onyuŋ oŋwɔŋde ye mbon mmin;

LUKE 12:45

Edi edieke asaŋutom oro edidɔhɔde ke esit esie ete, Ete-ufɔk mi ebigi eridi, edinyuŋ ɔtɔŋɔde ndimia ifin iren ye ifin iban eken, ndinyuŋ ndia ŋkpɔ, nnyuŋ ŋŋwɔŋ mmin nyuhɔ;

LUKE 16:25

Edi Abraham ɔdɔhɔ enye ete, Eyen mi, ti nte afo okokutde ufɔn fo ke ini uwem fo, ye nte Lazarus okonyuŋ okutde idiɔk: edi kemi enye ke okop idɔŋesit mi, edi afo ke odu ke ndutuhɔ.

UTOM MME APOSTLE 2:15

Koro mmɔ emi ikpaha mmin nte mbufo ekerede; sia edide hour usukkiet usenubɔk.

1 ŊWED CORINTH 11:21

Koro ke eridia ntem, edi udia mbubreyo esiemɔ ke owo kiet kiet edibem iso adia: ndien owo kiet etie biɔŋ, enye eken ɔŋwɔŋ ɔyuhɔ.

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

1 ŊWED THESSALONICA 5:7

Koro mmɔ eke edede idap ede ke okoneyo; mmɔ eke enyuŋ ekpade mmin ekpa mmin ke okoneyo.

ERIYARARE 17:2

emi ndidem isɔŋ ekenamde use ye enye, mme andiduŋ ke isɔŋ ekenyuŋ eŋwɔŋde wine use esie eyuhɔ.

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.