JOHN 19:4 - Edisana ñwed Abasi Ibom

⁴ Ndien Pilate ɔtɔŋɔ ntak ɔwɔrɔ ɔkɔdɔhɔ mme Jew, ete, Sese, mmada Enye ŋwɔrɔ nsɔk mbufo, man mbufo efiɔk ete, ŋkwe Enye idiɔk ke idem.

JOHN 19:4 ပူးပေါင်းရင်းမြစ်များ

MATTHEW 27:19

Edi ke adaŋemi enye etiede ke itie-ikpe, ŋwan esie ɔdɔŋ edidɔhɔ enye ete, Kusaŋa ŋkpɔ ye eti owo emi; koro mma ŋkut ukut eti-eti ke ndap mfin emi mbaŋa Enye.

MATTHEW 27:24

Edi ke ini Pilate okutde ete, imɔ ikemeke ndinam ndomo ŋkpɔ kiet, edi utu ke oro ndutime edidu, enye ada mmɔŋ eyet ubɔk ke iso otu owo, ete mmɔ, Nsaŋake ŋkpɔ ke iyip eti owo emi: mbuhehe mbufo edi oro.

MATTHEW 27:4

Edi mmɔ ete enye, Nnyin isaŋa nso do? Ikɔ fo edi oro.

MATTHEW 27:54

Edi ke ini centurion, ye mmɔ emi edude ye enye ekpeme Jesus, ekutde unyek-isɔŋ, ye mme ŋkpɔ oro etibede, mmɔ efehe akwa ndik eti-eti, enyuŋ edɔhɔ ete, Ke akpanikɔ emi ekedi Eyen Abasi.

LUKE 23:4

Pilate ɔdɔhɔ ikpɔ oku ye mme otu owo, ete, Ŋkwe idiɔk ke idem owo emi.

LUKE 23:41

Ndien ke akpanikɔ nnyin ikut ufen eke enende: koro nnyin ibɔ utip eke odotde ke erinam nnyin: edi owo emi iduehe baba ŋkpɔ kiet.

LUKE 23:47

Ndien ke ini centurion okutde se itibede, enye ɔnɔ Abasi itoro ete, ke akpanikɔ owo emi ekedi edinen owo.

JOHN 18:33

Mmɔdo Pilate ɔtɔŋɔ ntak oduk ufɔk, onyuŋ okot Jesus, obup Enye ete, Nte afo edi edidem mme Jew?

JOHN 18:38

Pilate ete Enye, Nsidi akpanikɔ? Ndien ke enye ama eketiŋ ntem, enye ɔtɔŋɔ ntak ɔwɔrɔ etiene mme Jew, ɔkɔdɔhɔ mmɔ ete, Ami ŋkwe Enye idiɔk ke idem.

JOHN 19:6

Pilate ete mmɔ, Se Enye owo oro do. Ke ini ikpɔ oku ye mme asaŋutom ekutde Enye, mmɔ efiori ete, Wot Enye ke cross, wot Enye ke cross. Pilate ete mmɔ, mbufo ke idem mbufo eda Enye ewot ke cross: koro ami ŋkwe Enye idiɔk ke idem.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

1 PETER 2:22

Enye ikanamke idiɔk-ŋkpɔ, akanam inyuŋ ikwe Enye abiaŋa ke inua.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 JOHN 3:5

Ndien mbufo efiɔk ete ekesio Enye enim, man emen mme idiɔk-ŋkpɔ efep; ndien idiɔk-ŋkpɔ iduhe Enye ke idem.