JOHN 19:23 - Edisana ñwed Abasi Ibom

²³ Ndien ke ini mbon-ekɔŋ ema ekɔkɔŋ Jesus ke cross, mmɔ emen edisine-ŋkpɔ Esie ebahare enim ke itie inaŋ, enɔ owo-ekɔŋ kiet kiet itie kiet: ye ekpri ɔfɔŋidem Esie ŋko: edi ekpri ɔfɔŋidem inyeneke ituak; etɔŋɔ ke enyɔŋ edɔk enye ntre ofuri.

JOHN 19:23 ပူးပေါင်းရင်းမြစ်များ

EXODUS 28:32

Ndien itɔŋ esie odu enye ke ufɔt; itɔŋ oro enyene ibuŋ ubɔk-usɔ ɔdɔk-ɔfɔŋ, akan okuk, ebiet itɔŋ ufuhɔ-ikpanesit ekɔŋ, man okuwaha.

MATTHEW 27:35

Edi ke ini mmɔ ema ekɔkɔŋ Enye ke cross, mmɔ esin afia, ete ideme edisine-ŋkpɔ Esie ida ke idem mme imɔ:

MARK 15:24

Ndien mmɔ ekɔŋ Enye ke cross, enyuŋ edeme edisine-ŋkpɔ Esie, esin afia ebaŋa mmɔ, ndifiɔk se mmɔ kiet kiet ekpadade.

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

UTOM MME APOSTLE 12:4

Ndien ke ama okomum enye, esin enye ke ufɔk-ŋkpɔkɔbi, onyuŋ ayak ɔnɔ mbon-ekɔŋ efurekiet, eke ebaharede ke itie inaŋ, ete ekpeme enye: onyuŋ aduak ete, Passover ama ebe, iyeda enye iwɔrɔ ikayak inɔ mbio-obio.