JOHN 19:11 - Edisana ñwed Abasi Ibom

¹¹ Jesus ɔbɔrɔ enye ete, Ukpenyeneke odudu ndinam Mi ŋkpɔ, ke Abasi mikpetiehe ke enyɔŋ inɔ fi odudu: mmɔdo idiɔk-ŋkpɔ owo emi adade Mi edisin fi ke ubɔk okpon akan.

JOHN 19:11 ပူးပေါင်းရင်းမြစ်များ

1 CHRONICLES 29:11

O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.

ŊWED MME PSALM 39:9

Ntie imum, ntatke inua mi: koro edide afo akanam.

ŊWED MME PSALM 62:11

Abasi ɔdɔhɔ ini kiet; mmaŋkop emi utim ikaba, ete ke Abasi emenyene odudu;

ŊWED ESEME 3:37

Anie owo ɔdɔhɔ ndien odu, ke Ɔbɔŋ miwukke?

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

DANIEL 4:25

ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt, eyenyuŋ ebɔk fi ke mbiet nte enaŋ; enyuŋ eda mbara enyɔŋ ebit fi; isua itiaba eyenyuŋ ebe fi, tutu afo ɔfiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

DANIEL 5:21

enyuŋ ebin enye ke ɔtɔ nditɔ owo efep, enyuŋ enam esit esie akabare ebiet eke mme unam ikɔt, iduŋ esie onyuŋ odu ye mme ass ikɔt: enɔ enye mbiet ata nte enaŋ, mbara emi otode ke enyɔŋ onyuŋ ebit enye idem, tutu enye edifiɔk ete ke Edikoŋ Abasi akara ubɔŋ ererimbot, onyuŋ emenere owo ekededi eke enye amade odori ke esit.

MATTHEW 26:65

Ekem akwa oku awai ekura esie, ete, Enye ama etiŋ ŋkpɔ esuene Abasi: nnyin iyom nso aba ye ntiense? sese, mbufo emokop ikɔ-esuene eke Enye etiŋde.

MATTHEW 27:2

ndien mmɔ ebɔp Enye ubɔk, eda Enye edaha ekayak enɔ Pilate andikara.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

MARK 14:44

Ndien andida Enye nnɔ ɔkɔnɔ mmɔ idiɔŋɔ, ete, Owo emi nditimde Enye inua edi Enye; emum Enye, eda Enye edaha suŋ-ŋ.

LUKE 22:53

Ke adaŋemi ŋkodude ye mbufo ke temple ke usen ke usen, mbufo inyanakere ubɔk iyom ndinam Mi ŋkpɔ: edi emi edi ifet mbufo ye eke odudu ekim.

JOHN 18:13

eda Enye ebem iso eka ke ɔtɔ Annas; koro enye edi ete ŋwan Caiaphas, emi edide akwa oku ke isua oro.

JOHN 18:3

Mmɔdo ke ini Judas ama ɔkɔbɔ udim mbonekɔŋ ye mme asaŋutom ke ubɔk ikpɔ oku ye mme Pharisee, enye asaŋa ye utuenkaŋ ye nsaraŋikaŋ ye ŋkpɔ eŋwan edi ke ɔtɔ oro.

JOHN 19:10

Edi Jesus inɔŋɔ enye ibɔrɔ. Ntre ke Pilate ete Enye, Ubɔrɔke mi ikɔ? nte ufiɔkke ete mmenyene odudu ndisana Fi nyak, mmonyuŋ nnyene odudu ndiwot Fi ke cross?

JOHN 3:27

John ɔbɔrɔ ete, Owo ikemeke ndinyene baba ŋkpɔ kiet, ibɔhɔke Abasi etie ke heaven ɔnɔ enye.

JOHN 7:30

Ntem ke mmɔ eyom ndimum Enye: ndien baba owo kiet itukke Enye ubɔk, koro ini mikemke Enye kaŋa.

JOHN 9:41

Jesus ete mmɔ, Edieke mbufo ekpedide nnan, mbufo ikpenyeneke idiɔk-ŋkpɔ: edi ke emi mbufo edɔhɔ ete, Imokut ŋkpɔ: idiɔk-ŋkpɔ mbufo osuk ododu.

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.

UTOM MME APOSTLE 4:28

man mmɔ enam ŋkpɔ ekededi eke ubɔk Fo ye uduak Fo ekebemde iso onim ete ediwɔrɔ osu.

ŊWED MBON ROME 11:36

Koro kpukpru ŋkpɔ eto Enye, enyuŋ edu ke Enye, enyuŋ ena enɔ Enye. Ubɔŋ enyene Enye ke nsinsi. Amen.

ŊWED MBON ROME 13:1

KPUKPRU owo esuk idem enɔ mme enyene-odudu emi ekarade; koro odudu iduhe ke mitoho Abasi; ndien mme enyene-odudu emi edude kemi, edi Abasi okonim mmɔ.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

JAMES 4:17

Mmɔdo owo emi ɔfiɔkde ndinam eti ŋkpɔ, ndien minamke, eritre ndinam oro edi idiɔk-ŋkpɔ ɔnɔ enye.