JOHN 18:32 - Edisana ñwed Abasi Ibom

³² man ikɔ nte Jesus eketiŋde owut oruk mkpa eke Enye edikpade osu.

JOHN 18:32 ပူးပေါင်းရင်းမြစ်များ

ŊWED MME PSALM 22:16

Koro ebua ekande mi ekuk: otu mme oburobut owo ekan mi ekuk: ekim mi ubɔk ye ukot.

MATTHEW 20:19

Ete iwot Enye, eyenyuŋ eyak Enye enɔ mme Gentile, ete esak Enye nsahi, enyuŋ emia enye, ewot ke cross: ndien Abasi eyenam Enye eset ke mkpa ke ɔyɔhɔ usen ita.

MATTHEW 26:2

Enye ɔdɔhɔ mbet Esie ete, Mbufo efiɔk ete, usen iba ema ebe, passover edi, ndien ema eda Eyen Owo enɔ, ete ewot Enye ke cross.

MARK 10:33

Sese, nnyin imɔŋ idɔk ika Jerusalem; ndien eyeda Eyen Owo eyak enɔ ikpɔ oku ye mme scribe; mmɔ eyenyuŋ ebiom Enye ikpe, ete iwot Enye, eyeyuŋ eyak Enye enɔ mme Gentile:

JOHN 10:31

Mme Jew etɔŋɔ ntak emen itiat ete itɔ Enye.

JOHN 10:33

Mme Jew ebɔrɔ Enye ete, Idige kabaŋa eti utom ke nnyin itɔ Fi ke itiat, edi kabaŋa esuene Abasi, ndien koro Afo, emi edide owo, onimde idem ke Abasi.

JOHN 13:18

Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.

JOHN 18:31

Ntre ke Pilate ete mmɔ, Eda Enye ke idem mbufo ekekpe ikpe Esie, nte ibet mbufo asaŋade. Mme Jew ete enye, Nnyin inyeneke unen ndiwot owo;

JOHN 21:19

Enye etiŋ ntem owut oruk mkpa eke Simon edidade ɔnɔ Abasi ubɔŋ. Ndien ke Jesus ama eketiŋ ntem, ete Peter, Tiene Mi.

JOHN 3:14

Ndien kpa nte Moses ekemende urukikɔt ke enyɔŋ ke desert, kpa ntre ke ana nte edimen Eyen Owo ke enyɔŋ:

JOHN 8:28

Ntre ke Jesus ɔdɔhɔ mmɔ ete, Ke ini mbufo edimenerede Eyen Owo ke enyɔŋ, adaŋoro ke mbufo edifiɔk ete Ami ndi Enye nnyuŋ nnamke ŋkpɔ oto Idem Mi, edi kpa nte Ete ekekpepde Mi, kpa ntre ke ntetiŋ.

UTOM MME APOSTLE 7:59

Ndien mmɔ etɔŋɔ Stephen ke itiat, nte enye esemede okot Ɔbɔŋ, ete Ɔbɔŋ Jesus, bɔ ukpɔŋ mi.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

DEUTERONOMY 21:23

kuyak okpo esie adaŋ ke eto ofuri okoneyo, kunyuŋ utre ndibuk enye kpa usen oro: koro se eyiride edi ŋkpɔ isuŋi Abasi; kubiat ndien isɔŋ fo emi Jehovah Abasi fo ɔnɔde fi ke udeme.