JOHN 18:28 - Edisana ñwed Abasi Ibom

²⁸ Ntem ke mmɔ eda Jesus ewɔrɔ ekpɔŋ Caiaphas, eka ke ufɔk andikara. Eyo ama esiere. Mmɔ ke idem mmɔ inyuŋ idukke ufɔk andikara mbak edisabare idem, ete idia passover.

JOHN 18:28 ပူးပေါင်းရင်းမြစ်များ

ŊWED MME PSALM 35:16

Ke otu mme oburobut owo eke ebrede mbre udia, mmɔ eta edet ese mi.

MME ŊKE 1:16

Koro ukot mmɔ efehede etiene idiɔk, enyuŋ esɔp ndiduɔk iyip.

MME ŊKE 4:16

Koro mmɔ midehe idap, ke minamke idiɔk; idap onyuŋ atiam mmɔ, ke mmɔ minamke owo ɔduɔ.

EZEKIEL 45:21

Mbufo enim passover ke akpa ofiɔŋ, ke ɔyɔhɔ usen ɔfiɔŋ duop-enaŋ, usɔrɔ usen itiaba; mbufo eta uyo eke mifutke.

MICAH 2:1

ƆDƆDIƆK ɔnɔ mmɔ emi ekerede idiɔk ido, enyuŋ enade ke bed mmɔ eduak ukwaŋ-ŋkpɔ! Mmɔ eyenam enye ke uŋwana usenubɔk, koro odude ke ukeme ubɔk mmɔ.

MATTHEW 27:27

Ekem mbon-ekɔŋ andikara eda Jesus eduk ke akwa ufɔk andikara, enyuŋ ekot ɔfuri ŋka mmɔ edi ke ɔtɔ Esie.

MARK 15:16

Ekem mbon-ekɔŋ eda Enye eduk ke esit okure, emi edide akwa ufɔk andikara; enyuŋ ekot ofuri ŋka mmɔ ebon.

LUKE 22:66

Ndien ke ini eyo esierede, mbiowo obio esop idem ɔtɔ kiet ye ikpɔ oku ye mme scribe; mmɔ enyuŋ eda Enye eduk ke akwa esop mmɔ, ete,

JOHN 11:55

Edi Passover mme Jew ke ekpere; ediwak owo enyuŋ ebem Passover iso eto iŋwaŋ edɔk eka ke Jerusalem ndinam idem mmɔ esana. Ndien mmɔ eyoyom Jesus,

JOHN 18:13

eda Enye ebem iso eka ke ɔtɔ Annas; koro enye edi ete ŋwan Caiaphas, emi edide akwa oku ke isua oro.

JOHN 18:15

Simon Peter etiene Jesus, mbet efen onyuŋ anam kpa ntre. Mbet oro edi owo emi akwa oku ɔdiɔŋɔde, enye onyuŋ asaŋa ye Jesus oduk ke esit okure akwa oku: edi Peter ada ke inua-otop ke aŋwa.

JOHN 18:33

Mmɔdo Pilate ɔtɔŋɔ ntak oduk ufɔk, onyuŋ okot Jesus, obup Enye ete, Nte afo edi edidem mme Jew?

JOHN 18:39

Edi mbufo emenyene ido, ete nsana owo kiet nyak nnɔ mbufo ke passover. Nte eyoyom nsana naŋa Edidem mme Jew nyak nnɔ mbufo?

JOHN 19:11

Jesus ɔbɔrɔ enye ete, Ukpenyeneke odudu ndinam Mi ŋkpɔ, ke Abasi mikpetiehe ke enyɔŋ inɔ fi odudu: mmɔdo idiɔk-ŋkpɔ owo emi adade Mi edisin fi ke ubɔk okpon akan.

JOHN 19:14

Ekedi ke usen emi etimde ŋkpɔ ebeŋe passover, ke adaŋa nte ɔyɔhɔde ufɔt uwem-eyo. Pilate onyuŋ ɔdɔhɔ mme Jew ete, Sese, Edidem mbufo do.

JOHN 19:9

ndien enye ɔtɔŋɔ ntak oduk okobup Jesus ete, Afo oto mmɔŋ?

UTOM MME APOSTLE 10:28

enye onyuŋ ɔdɔhɔ mmɔ ete, Mbufo ke idem mbufo emefiɔk ete ibet akpan owo emi edide Jew ndidian idem ndinyuŋ nsaŋa ŋkpere owo emi otode idut efen; edi Abasi okowut mi, ete, ŋkukot baba owo kiet obukpo me edidehe:

UTOM MME APOSTLE 10:32

Dɔŋ ndien eka Joppa ekokot Simon enɔ fi, emi ediande enyiŋ Peter; enye adaŋ ke ufɔk Simon akwat-ikpa ke mben inyaŋ.

UTOM MME APOSTLE 11:3

Afo omoduk ufɔk owo emi minaŋa mbobi akadia ŋkpɔ ye mmɔ.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.

UTOM MME APOSTLE 4:27

Koro ke akpanikɔ ke obio emi, Herod ye Pontius Pilate, ye mme Gentile ye mbon Israel, esop idem ɔtɔ kiet ndiŋwana ye Edisana Owo Fo Jesus, emi Afo okonimde ete edi Christ Fo,

DEUTERONOMY 16:2

Wot ndien passover oro nɔ Jehovah Abasi fo, edide erɔŋ, onyuŋ edide enaŋ, ke ebiet emi Jehovah edimekde ndinim enyiŋ esie do.