JOHN 18:20 - Edisana ñwed Abasi Ibom

²⁰ Jesus ɔbɔrɔ enye ete, Ami ŋketetiŋ ŋkpɔ nnɔ ererimbot aŋwa-aŋwa; ŋkɔnɔ ukpep-ŋkpɔ kpukpru ini ke synagogue ye ke temple, emi kpukpru mme Jew ekam edide edisobo do; ŋkonyuŋ ntiŋke baba ŋkpɔ kiet ke ndibe. Nsinam obupde Mi?

JOHN 18:20 ပူးပေါင်းရင်းမြစ်များ

ŊWED MME PSALM 22:22

Nyebuk enyiŋ fo nnɔ nditɔ-ete mi: nyetoro fi ke ufɔt mbon-esop.

ŊWED MME PSALM 40:9

Mmɔkwɔrɔ eti ido ke akwa esop: sese, ŋkubike mkpɔk-inua mi, O Jehovah, afo ɔmɔfiɔk.

ISAIAH 45:19

Ŋkɔdɔhɔke ke ndibe ebiet, ke ŋkim-ŋkim ebiet isɔŋ: ndɔhɔke ubon Jacob, nte, Mbufo eyom mi ikpikpu: ami Jehovah ndɔhɔ akpanikɔ, ntiŋ se inende.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

MATTHEW 24:26

Mmɔdo edieke mmɔ edɔhɔde mbufo ete, Sese, Enye odu ke desert; ekuwɔrɔ eka: Sese, Enye odu ke ubet; ekunim ke akpanikɔ.

MATTHEW 26:55

Ke ini oro Jesus ɔdɔhɔ mme otu owo ete, Nte mbufo emɔwɔŋɔ edi ye ofut ye eto ndimum Mi nte ŋkpɔ eke ebinede owo ŋwo? Mma ntie ye mbufo ke temple ŋkpep ŋkpɔ ke usen ke usen, edi mbufo imumke Mi.

MATTHEW 26:65

Ekem akwa oku awai ekura esie, ete, Enye ama etiŋ ŋkpɔ esuene Abasi: nnyin iyom nso aba ye ntiense? sese, mbufo emokop ikɔ-esuene eke Enye etiŋde.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MATTHEW 9:35

Ndien Jesus asaŋa akanare kpukpru obio ye obio-inwaŋ, ekpep owo ŋkpɔ ke mme synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk udɔŋɔ ye kpukpru oruk mmemidem ekure.

MARK 8:32

Enye onyuŋ etiŋ ikɔ emi aŋwa-aŋwa. Edi Peter ada Enye, ɔtɔŋɔ ndisua nnɔ Enye.

LUKE 21:37

Ndien Enye ekekpep mmɔ ŋkpɔ ke temple ke uwemeyo; edi ke okoneyo Enye ɔwɔrɔ akadaŋ ke obot emi ekerede Obot Olive.

LUKE 4:15

Ndien Enye ekpep mmɔ ŋkpɔ ke mme synagogue mmɔ, kpukpru owo enyuŋ etoro Enye.

JOHN 18:21

Bup mmɔ emi ekopde ikɔ Mi, mme ntiŋ nso nnɔ mmɔ. Sese, mmɔ efiɔk se nsitiŋde.

JOHN 6:59

Jesus etiŋ ikɔ emi ke synagogue, nte Enye ekpepde owo ŋkpɔ ke Capernaum.

JOHN 7:14

Ekem ke ini osimde ufɔt usɔrɔ, Jesus ɔdɔk aka temple ekekpep mme owo ŋkpɔ.

JOHN 7:26

Edi sese, Enye ɔdɔhɔ ikɔ aŋwa-aŋwa, mmɔ inyuŋ itiŋke baba ikɔ kiet inɔ Enye. Me ɔwɔrɔ ete ikpɔ owo eneŋere efiɔk ete owo emi edi Christ?

JOHN 7:28

Ntre ke Jesus ofiori ke temple nte ekpepde owo ŋkpɔ, onyuŋ ɔdɔhɔ ete, Mbufo efiɔk Mi, enyuŋ efiɔk ebiet emi ntode; ndien ŋkedige ke odudu Idem Mi, edi Enye emi ɔkɔdɔŋde Mi edi ata Abasi, emi mbufo mifiɔkke.

JOHN 7:4

Koro baba owo kiet itiehe ke ndibe inam ŋkpɔ, ke ini enye oyomde ndidu ke iso owo aŋwa-aŋwa. Edieke anamde mme ŋkpɔ emi, yarare Idem wut ererimbot.

JOHN 8:2

Edi ke ŋkim-ŋwaŋa usenubɔk Enye afiak edi ke temple, kpukpru mbio-obio enyuŋ etiene Enye; ndien Enye ɔsuhɔre etetie ekpep mmɔ ŋkpɔ.

JOHN 8:26

Mmenyene ediwak ŋkpɔ nditiŋ nnyuŋ mbiere mbaŋa mbufo: edi Andidɔŋ Mi edi akpanikɔ; ndien se Ami ŋkokopde Enye ke inua, ŋkpɔ oro ke ntetiŋ nnɔ ererimbot.

UTOM MME APOSTLE 26:26

Kpa edidem, emi ntiŋde ikɔ nnɔ enye uko-uko, ɔfiɔk abaŋa ŋkpɔ emi; koro mmobure mfiɔk nte baba ŋkpɔ emi kiet idibeke enye: koro ŋkpɔ emi ikotibeke ke ndibe.