JOHN 17:3 - Edisana ñwed Abasi Ibom

³ Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 17:3 ပူးပေါင်းရင်းမြစ်များ

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 15:3

Usen enyuŋ ewak emi Israel minyeneke Abasi akpanikɔ, minyuŋ inyeneke oku eke etemede, minyuŋ inyeneke ŋwed ibet.

ŊWED MME PSALM 9:10

Ndien mmɔ eke efiɔkde enyiŋ fo eyebuɔt idem mmɔ ye afo; koro afo, Jehovah, mukpɔŋke mmɔ eke eyomde fi.

MME ŊKE 8:35

Koro owo eke okutde mi okut uwem, eyenyuŋ ɔbɔ Jehovah mfɔn.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

MARK 9:37

onyuŋ ɔdɔhɔ mmɔ ete, Owo ekededi eke adarade kiet ke otu oruk ŋkpri nditɔwɔŋ emi ke enyiŋ Mi adara Mi: ndien owo ekededi eke adarade Mi, idige Ami ke adadara, edi Enye emi ɔkɔdɔŋde Mi.

LUKE 9:48

Owo ekededi eke edidarade ekpri eyen ɔwɔŋ emi ke enyiŋ Mi adara Mi: ndien owo ekededi eke edidarade Mi adara Enye emi ɔkɔdɔŋde Mi: koro enye emi ekpride akan ke otu mbufo kpukpru, kpa enye edidi akamba.

JOHN 10:36

nte mbufo edɔhɔ ebaŋa Enye emi Ete okonimde, ete isio Enye idɔŋ ke ererimbot, ete, Afo emesuene Abasi, koro ndɔhɔde nte, Ndi Eyen Abasi?

JOHN 11:42

Ami nnyuŋ mfiɔk nte okop uyo Mi kpukpru ini; edi kabaŋa otu owo emi edade ekan ekuk, ŋkɔdɔhɔ ntem, man mmɔ enim ke akpanikɔ ete Afo ɔkɔdɔŋ Mi.

JOHN 14:26

Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.

JOHN 17:18

Nte Afo ɔkɔdɔŋde Mi ndi ke ererimbot, kpasuk ntre ke Ami ndɔŋ mmɔ eka ke ererimbot.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

JOHN 6:57

Nte Ete emi odude uwem okosiode Mi ɔdɔŋ, Ami nnyuŋ ndude uwem oto Ete; ntre ke owo eke adiade Mi eyenyuŋ odu uwem oto Mi.

JOHN 7:29

Ami mmɔfiɔk Enye; koro ntode Enye, onyuŋ edi Enye ɔkɔdɔŋ Mi.

JOHN 8:19

Ntem ke mmɔ edɔhɔ Enye ete, Ete Fo odu mmɔŋ? Jesus ɔbɔrɔ ete, Mbufo ifiɔkke Mi, inyuŋ ifiɔkke Ete Mi. Edieke mbufo ekpefiɔkde Mi, mbufo ekpenyuŋ efiɔk Ete Mi.

1 ŊWED CORINTH 15:34

Efara ke idem edinen-edinen, enyuŋ etre mme idiɔk-ŋkpɔ, koro ndusuk owo inyeneke ifiɔk Abasi. Ntiŋ emi man but anam mbufo.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

ŊWED MBON PHILIPPI 3:10

Man ŋkpɔfiɔk Enye ye odudu eriset Esie ke udi, ye nsaŋa ke ndutuhɔ Esie, nnyuŋ ŋkabare ŋkpa mkpa eke ebietde mkpa Esie;

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

MME HEBREW 3:1

MMƆDO, ndisana nditɔ-ete, emi enyenede udeme ke ikot eke otode ke heaven, ese Apostle ye Akwa Oku emi nnyin inyimede ite idi ikɔt Esie, kpa Jesus;

2 PETER 1:2

Mfɔn ye emem akpakam oto ke erifiɔk Abasi ye Jesus Ɔbɔŋ nnyin etiene mbufo uwak-uwak.

2 PETER 1:3

Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

2 PETER 1:8

Koro edieke mme ŋkpɔ emi edude ke esit mbufo ɔyɔhɔ-ɔyɔhɔ, mmɔ eyenam mbufo ekutie ifu, ekunyuŋ enana mfri ke erifiɔk Ɔbɔŋ nnyin Jesus Christ.

1 JOHN 1:2

(ndien uwem oro akayarare owut idem, nnyin ima inyuŋ ikut Enye, inyuŋ idi ntiense inɔ Enye, inyuŋ isian mbufo Uwem oro, kpa nsinsi Uwem, emi okodude ye Ete, ekenyuŋ eyararede enɔ nnyin);

1 JOHN 1:3

se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

1 JOHN 2:23

Kpukpru owo eke afaŋade Eyen inyeneke Ete: owo emi onyimede Eyen enyene Ete nde.

1 JOHN 4:6

Nnyin idi nditɔ Abasi; owo eke ɔfiɔkde Abasi ɔbiɔŋ utɔŋ okop ikɔ nnyin; edi owo eke midige owo Abasi ikopke ikɔ nnyin. Nnyin ida emi ifiɔk spirit akpanikɔ ye spirit ndudue.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.