JOHN 17:26 - Edisana ñwed Abasi Ibom

²⁶ Ndien mmayarare enyiŋ Fo nnɔ mmɔ, nyenyuŋ nyarare: man ima emi Afo akamade Mi odu mmɔ ke esit, Ami nnyuŋ ndu mmɔ ke esit.

JOHN 17:26 ပူးပေါင်းရင်းမြစ်များ

ŊWED MME PSALM 22:22

Nyebuk enyiŋ fo nnɔ nditɔ-ete mi: nyetoro fi ke ufɔt mbon-esop.

JOHN 14:20

Adaŋoro mbufo eyefiɔk ete Ami ndu ke Ete Mi, mbufo enyuŋ edu ke Ami, Ami nnyuŋ ndu mbufo ke idem.

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

JOHN 15:15

Ŋkotke aba mbufo mme asaŋutom, koro asaŋutom mifiɔkke se ete-ufɔk esie anamde; edi ŋkot mbufo mme ufan, koro mma mmen kpukpru se ŋkokopde ke inua Ete Mi nyarare nnɔ mbufo.

JOHN 15:4

Eduŋ Mi ke idem, Ami nnyuŋ nduŋ mbufo ke idem Nte ŋkɔk mikemeke ndiŋwum mfri ke idem esie, ibɔhɔke enye oduŋ ke vine, kpasuk ntre ke mbufo ikemeke ndiŋwum mfri, ibɔhɔke mbufo eduŋ Mi ke idem.

JOHN 15:9

Kpa nte Ete akamade Mi, Ami ŋkonyuŋ mma mbufo: esuk eduŋ ke ima Mi.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 17:6

Mma nyarare enyiŋ Fo nnɔ mme owo emi okosiode ke ererimbot ɔnɔ Mi; mmɔ ekedi Okuo, Afo okonyuŋ ayak mmɔ ɔnɔ Mi,

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 6:56

Owo eke adiade obukidem Mi, onyuŋ ɔŋwɔŋde iyip Mi, osuk oduŋ Mi ke idem, Ami nnyuŋ nduŋ enye ke idem.

JOHN 8:50

Edi Ami nyomke ubɔŋ Idem Mi. Kiet odu emi oyomde ubɔŋ ɔnɔ Mi, edinyuŋ ebierede ikɔ ɔnɔ mbufo.

ŊWED MBON ROME 8:10

Edi edieke Christ odude ke esit mbufo, ikpɔhidem ama akpa oto ke idiɔk-ŋkpɔ, edi spirit ke odu uwem oto ke edinen ido.

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

1 ŊWED CORINTH 12:12

Koro kpa nte ikpɔhidem edide kiet, onyuŋ enyenede ediwak ndido, ndien kpukpru ndido ikpɔhidem, eke ewakde, edide ikpɔhidem kiet, kpasuk ntre ke edi ye Christ.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

ŊWED MBON EPHESUS 3:17

Christ akpakam onyuŋ oduŋ ke esit mbufo oto ke mbuɔtidem; mbufo ekpekam enyuŋ emum ŋkam enyuŋ esɔŋɔ ewuhɔ ke ima,

ŊWED MBON EPHESUS 5:30

Koro nnyin idide ndido idem Esie.

ŊWED MBON EPHESUS 5:32

Akamba ndibe-ŋkpɔ edi emi; edi ntiŋ mbaŋa Christ ye ufɔk Abasi.

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

ŊWED MBON COLOSSAE 2:10

Enye onyuŋ edi Ibuot ɔnɔ kpukpru mme andikara ye mme enyene-odudu.

ŊWED MBON COLOSSAE 3:11

emi Greek mme Jew, mme ana mbobi me owo eke minaŋa mbobi, mme owo esit ikɔt, mme owo Scyntia, mme ofin mme eyen-isɔŋ miduhe ke enye, edi Christ edi kpukpru ŋkpɔ onyuŋ odu ke kpukpru ŋkpɔ.

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,

MME HEBREW 2:12

ete, Nyetaŋa enyiŋ Fo nnɔ nditɔete Mi, Nyekwɔ itoro Fo ke otu mbon esop.

1 JOHN 3:24

Owo emi onimde mbet Esie oduŋ ke Enye, Enye onyuŋ oduŋ ke esit owo oro. Nnyin inyuŋ ida emi ifiɔk ite, Enye oduŋ nnyin ke idem, oto ke Spirit emi Enye ɔkɔnɔde nnyin.