JOHN 17:25 - Edisana ñwed Abasi Ibom

²⁵ O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:25 ပူးပေါင်းရင်းမြစ်များ

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 16:16

Simon Peter ɔbɔrɔ Enye ete, Afo edi Christ, Eyen Abasi uwem.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

JOHN 1:18

Akanam baba owo kiet ikwe Abasi; ikpoŋ-ikpɔŋ Eyen emi Abasi obonde, emi odude ke ikpanesit Ete, kpa Enye amayarare Abasi.

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

JOHN 15:21

Edi mmɔ eyenam mbufo kpukpru ŋkpɔ emi ke ntak Mi, koro mmɔ mifiɔkke Andidɔŋ Mi.

JOHN 16:27

koro Ete ke Idem Esie amama mbufo, sia mbufo ekamamade Mi, enyuŋ enimde ke akpanikɔ ete Ami ŋkoto ke ɔtɔ Ete ndi.

JOHN 16:3

Ndien mmɔ eyenam mme ŋkpɔ emi, koro mmɔ mikɔdiɔŋɔke Ete, minyuŋ idiɔŋɔke Mi.

JOHN 16:30

Ke emi ke nnyin imokut ite Afo ɔmɔfiɔk kpukpru ŋkpɔ, unyuŋ uyomke owo obobup Fi: imada emi inim ke akpanikɔ ite Afo oto Abasi edi.

JOHN 17:11

Ndiduhe aba ke ererimbot, ndien mmɔ edu ke ererimbot, ndien Ami ke nnyɔŋ ntiene Fi. Edisana Ete, da enyiŋ Fo kama mmɔ emi ɔkɔnɔde Mi, man mmɔ edi kiet, kpa nte nnyin idide kiet.

JOHN 17:18

Nte Afo ɔkɔdɔŋde Mi ndi ke ererimbot, kpasuk ntre ke Ami ndɔŋ mmɔ eka ke ererimbot.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 6:19

Ntem ke mmɔ ema ekewat esim mile ita me inaŋ, mmɔ ekut Jesus nte asaŋade ke inyaŋ, ekpere ubom, ndien ndik anam mmɔ.

JOHN 7:29

Ami mmɔfiɔk Enye; koro ntode Enye, onyuŋ edi Enye ɔkɔdɔŋ Mi.

JOHN 8:19

Ntem ke mmɔ edɔhɔ Enye ete, Ete Fo odu mmɔŋ? Jesus ɔbɔrɔ ete, Mbufo ifiɔkke Mi, inyuŋ ifiɔkke Ete Mi. Edieke mbufo ekpefiɔkde Mi, mbufo ekpenyuŋ efiɔk Ete Mi.

JOHN 8:55

ndien mbufo ikɔfiɔkke Enye; edi Ami mmɔfiɔk Enye. Edieke ŋkpɔdɔhɔde nte, Mfiɔkke Enye, nyedi osu-osu nte mbufo: edi Ami mmɔfiɔk Enye, nnyuŋ nnim ikɔ Esie.

UTOM MME APOSTLE 17:23

mme andibak mme abasi eti-eti. Koro nte nsaŋade mbe nse mme ŋkpɔ eke mbufo ekponode, ŋkut itie-uwa kiet ŋkɔrɔ do, emi ewetde ke esit ete, EMI ENYENE ABASI EMI OWO MIFIƆKKE. Mmɔdo se mbufo etuakde ibuot enɔ ke unana-ifɔk, kpa oro ke ami ŋkwɔrɔ nnɔ mbufo.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

ŊWED MBON ROME 3:11

Baba owo kiet eke enyenede eti ibuot iduhe, Baba owo kiet eke oyomde Abasi iduhe;

ŊWED MBON ROME 3:26

man onyuŋ ayarare edinen ido Esie ke ini emi, ete Imɔ ke Idem Imɔ idi edinen, inyuŋ inam ikpe etebe owo eke ɔbuɔtde idem ke Jesus.

1 ŊWED CORINTH 1:21

Sia Abasi okonimde ke ɔniɔŋ Esie, ete ererimbot ekuda eti ibuot eke mmɔ efiɔk Imɔ, ɔfɔn Abasi ke enyin ndida ukwɔrɔ-ikɔ, emi owo esede ke ndisime, nnyaŋa mmɔ emi enimde ke akpanikɔ.

1 ŊWED CORINTH 15:34

Efara ke idem edinen-edinen, enyuŋ etre mme idiɔk-ŋkpɔ, koro ndusuk owo inyeneke ifiɔk Abasi. Ntiŋ emi man but anam mbufo.

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

MME HEBREW 8:11

Mbɔhiduŋ iditemeke mbɔhiduŋ, Owo idinyuŋ itemeke eyen-ete esie ete, Fiɔk Jehovah: Koro kpukpru owo eyediɔŋɔ Mi Ɔtɔŋɔde ke ata ekpri, tutu osim ata ikpɔ.

1 JOHN 1:9

Edieke nnyin iyararede mme idiɔk-ŋkpɔ nnyin, Enye edi anam-akpanikɔ onyuŋ enen, ete ifen mme idiɔk-ŋkpɔ nnyin, inyuŋ iyet nnyin isana ke kpukpru mme ukwaŋkpɔ.

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 16:5

Ndien ŋkop nte angel emi akarade mmɔŋ ɔdɔhɔde ete, O Edisana Abasi, emi odude-du, okonyuŋ odude-du, Afo emenen ke ikpe emi ekpede ntem;