JOHN 17:23 - Edisana ñwed Abasi Ibom

²³ man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 17:23 ပူးပေါင်းရင်းမြစ်များ

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 13:35

Mbufo ema ema kiet eken, kpukpru owo eyeda oro efiɔk ete mbufo edi mbet Mi.

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

JOHN 15:9

Kpa nte Ete akamade Mi, Ami ŋkonyuŋ mma mbufo: esuk eduŋ ke ima Mi.

JOHN 16:27

koro Ete ke Idem Esie amama mbufo, sia mbufo ekamamade Mi, enyuŋ enimde ke akpanikɔ ete Ami ŋkoto ke ɔtɔ Ete ndi.

JOHN 17:11

Ndiduhe aba ke ererimbot, ndien mmɔ edu ke ererimbot, ndien Ami ke nnyɔŋ ntiene Fi. Edisana Ete, da enyiŋ Fo kama mmɔ emi ɔkɔnɔde Mi, man mmɔ edi kiet, kpa nte nnyin idide kiet.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

JOHN 17:26

Ndien mmayarare enyiŋ Fo nnɔ mmɔ, nyenyuŋ nyarare: man ima emi Afo akamade Mi odu mmɔ ke esit, Ami nnyuŋ ndu mmɔ ke esit.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 6:56

Owo eke adiade obukidem Mi, onyuŋ ɔŋwɔŋde iyip Mi, osuk oduŋ Mi ke idem, Ami nnyuŋ nduŋ enye ke idem.

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON GALATIA 3:28

Jew ye Greek ikemeke ndidu, ofin ye eyen-isɔŋ ikemeke ndidu, erenowo ye ŋwan inyuŋ ikemeke ndidu; koro kpukpru mbufo edi kiet ke Christ Jesus.

ŊWED MBON PHILIPPI 3:15

Eyak kpukpru nnyin, eke ima ikɔkɔri iwɔrɔ idi owo, inyene oruk esit emi, ndien edieke mbufo enyenede ekikere eke ekpuhɔrede ke se ntetiŋ, Abasi eyeyarare emi ɔnɔ mbufo.

ŊWED MBON COLOSSAE 1:28

Emi nnyin ikwɔrɔde, ida kpukpru eti ibuot iteme inyuŋ ikpep kpupru owo, man nnyin ida kpukpru owo inim ke iso Abasi nte efɔnde ema ke Christ.

ŊWED MBON COLOSSAE 2:2

man mmɔ ekpekam ekop nsɔŋ-esit, enyuŋ ekpep se ima edide. Mmɔ ekpekam esim ofuri uwak mbuɔtidem emi otode ke eritim mfiɔk ŋkpɔ. Mmɔ ekpekam ebure efiɔk ndibe-ŋkpɔ Abasi, oro edi Christ;

ŊWED MBON COLOSSAE 3:14

Ndien ekɔrɔ ke kpukpru ŋkpɔ, esine ima, emi edide se ibɔpde uwem adiana inam ɔfɔn ama.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

1 JOHN 1:3

se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

1 JOHN 3:1

ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.

1 JOHN 4:19

Nnyin ima ima, koro Enye ekebemde iso ama nnyin.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.