JOHN 17:21 - Edisana ñwed Abasi Ibom

²¹ man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 17:21 ပူးပေါင်းရင်းမြစ်များ

JEREMIAH 32:39

nyenyuŋ nnɔ mmɔ esit kiet ye usuŋ kiet, man ebak mi kpukpru ini, man ɔfɔn ye mmɔ ye nditɔ mmɔ emi editienede mmɔ ke edem.

ZEPHANIAH 3:9

Koro ke ini oro nyekabare edisana mkpɔk-inua nnɔ mme idut: man kpukpru mmɔ ekot enyiŋ Jehovah, man enam ŋkpɔ enɔ enye ke esit kiet.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

MARK 3:24

Edieke obio edidem abaharede ada aŋwana ye idem esie, obio oro ikemeke ndisɔŋɔ nda.

JOHN 10:16

Mmonyuŋ nnyene mme erɔŋ eŋwen, emi mitoho ke ufɔk-erɔŋ emi; nnyene ndida mmɔ ŋko ndi, ndien mmɔ eyekop uyo Mi; ndien mmɔ eyekabare edi otu-erɔŋ kiet, Ekpeme-erɔŋ kiet eyenyuŋ odu.

JOHN 10:30

Ami ye Ete Mi idi kiet.

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 11:42

Ami nnyuŋ mfiɔk nte okop uyo Mi kpukpru ini; edi kabaŋa otu owo emi edade ekan ekuk, ŋkɔdɔhɔ ntem, man mmɔ enim ke akpanikɔ ete Afo ɔkɔdɔŋ Mi.

JOHN 13:32

Abasi eyenyuŋ ɔnɔ Enye ubɔŋ ke Idem Esie, onyuŋ ɔnɔ Enye ubɔŋ ke idem idahemi.

JOHN 13:35

Mbufo ema ema kiet eken, kpukpru owo eyeda oro efiɔk ete mbufo edi mbet Mi.

JOHN 17:11

Ndiduhe aba ke ererimbot, ndien mmɔ edu ke ererimbot, ndien Ami ke nnyɔŋ ntiene Fi. Edisana Ete, da enyiŋ Fo kama mmɔ emi ɔkɔnɔde Mi, man mmɔ edi kiet, kpa nte nnyin idide kiet.

JOHN 17:18

Nte Afo ɔkɔdɔŋde Mi ndi ke ererimbot, kpasuk ntre ke Ami ndɔŋ mmɔ eka ke ererimbot.

JOHN 17:20

Mbeŋeke mbaŋa mmɔ emi ikpɔŋ, edi mbeŋe mbaŋa mmɔ nde eke ebuɔtde idem ye Ami oto ke ikɔ mmɔ,

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 5:23

man kpukpru owo ekpono Eyen kpa nte mmɔ ekponode Ete. Owo eke mikponoke Eyen ikponoke Ete emi ɔkɔdɔŋde Enye.

UTOM MME APOSTLE 2:46

Ndien ke usen ke usen mmɔ enyene iwuk edu ke temple ye esit kiet, enyuŋ ebuŋ uyo ke ufɔk, mmɔ edia udia ke idaresit ye esit kiet, etoro Abasi; kpukpru owo enyuŋ enen iso ye mmɔ.

UTOM MME APOSTLE 4:32

Edi otu mmɔ emi enimde ke akpanikɔ enyene esit kiet ye spirit kiet: baba owo mmɔ kiet inyuŋ idɔhɔke ite ŋkpɔ ekededi eke imɔ inyenede edi eke imɔ; edi mmɔ ebabuana kpukpru ŋkpɔ.

ŊWED MBON ROME 12:5

ntre ŋko, nnyin, emi iwakde, idi ikpɔhidem kiet ke Christ, nnyin kpukpru inyuŋ idi ndido inɔ kiet eken.

1 ŊWED CORINTH 1:10

Edi mmada enyiŋ Ɔbɔŋ nnyin Jesus Christ ŋkpe mbufo ubɔk, nditɔ-ete, nte mbufo kpukpru enyene ikɔ-inua kiet, ubahare okunyuŋ odu ke otu mbufo; edi mbufo etɔŋɔ ntak ekabare efɔn ema ke erinyene esit kiet ye ekikere kiet.

1 ŊWED CORINTH 12:12

Koro kpa nte ikpɔhidem edide kiet, onyuŋ enyenede ediwak ndido, ndien kpukpru ndido ikpɔhidem, eke ewakde, edide ikpɔhidem kiet, kpasuk ntre ke edi ye Christ.

1 ŊWED CORINTH 6:17

Edi owo eke adiande idem ye Ɔbɔŋ edi spirit kiet ye Enye.

ŊWED MBON GALATIA 3:28

Jew ye Greek ikemeke ndidu, ofin ye eyen-isɔŋ ikemeke ndidu, erenowo ye ŋwan inyuŋ ikemeke ndidu; koro kpukpru mbufo edi kiet ke Christ Jesus.

ŊWED MBON PHILIPPI 1:27

Ekam edu uwem ke otu mbio-obio mbufo nte odotde ye gospel Christ, man ye ndidide ndise mbufo ye mmonyuŋ ndige, nyekop mbaŋa itie mbufo, nte, mbufo esɔŋɔ eda enyene spirit kiet, ke enyuŋ eda esit kiet eŋwana eŋwan ebaŋa mbuɔtidem emi odude ke gospel;

1 JOHN 1:3

se nnyin ikokutde inyuŋ ikopde, ke nnyin isian mbufo, man mbufo nde eduk nduk ye nnyin; ndien ke akpanikɔ nnyin iduk nduk ye Ete, ye Eyen Esie Jesus Christ;

1 JOHN 5:7

Ndien Spirit etie ntiense, koro Spirit edide akpanikɔ.