JOHN 17:18 - Edisana ñwed Abasi Ibom

¹⁸ Nte Afo ɔkɔdɔŋde Mi ndi ke ererimbot, kpasuk ntre ke Ami ndɔŋ mmɔ eka ke ererimbot.

JOHN 17:18 ပူးပေါင်းရင်းမြစ်များ

MATTHEW 10:5

Jesus osio owo duopeba emi ɔdɔŋ mmɔ utom, onyuŋ eteme mmɔ ete, Ekuwaha eduk ke usuŋ mme Gentile, ekunyuŋ eduk ke obio mbon Samaria baba kiet;

MATTHEW 23:34

Mmɔdo sese, Ami mmosio mme prophet ye mme ɔfiɔk-ŋkpɔ owo ye mme scribe ndɔŋ ke ɔtɔ mbufo; mbufo eyewot, enyuŋ ekɔŋ ndusuk mmɔ ke cross; mbufo eyenyuŋ emia ndusuk mmɔ ke synagogue mbufo, enyuŋ ekɔbɔ ebine mmɔ ke obio ke obio:

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 20:21

Jesus ɔtɔŋɔ ntak ɔdɔhɔ mmɔ ete, Emem osuk odu ye mbufo. Nte Ete okosiode Mi ɔdɔŋ, kpa ntre ke Ami nnyuŋ nsio mbufo ndɔŋ.

JOHN 3:17

Koro Abasi ikɔdɔŋke Eyen Esie ke ererimbot ete ekpe ikpe ererimbot, edi ɔkɔdɔŋ, man enyaŋa ererimbot oto ke Enye.

JOHN 4:38

Ami ŋkosio mbufo ndɔŋ nte ekpeŋe ukpeŋe ke ebiet eke mbufo mikanamke utom ke esit; owo eŋwen ekanam utom, ndien mbufo emeduk ke utom mmɔ.

2 ŊWED CORINTH 5:20

Ntre ke nnyin idi mme isuŋutom emi edide ke enyiŋ Christ, nte ŋkpɔ eke Abasi adade nnyin ekpe ye mbufo; imekpe mbufo ubɔk ke ibuot Christ, ekabare etie ke emem ye Abasi.

ŊWED MBON EPHESUS 3:7

emi ekanamde mi isuŋ esie, adaŋa nte enɔ mfɔn Abasi emi Enye ɔkɔnɔde mi edide, asaŋa ekekem ye utom eke odudu Esie anamde.