JOHN 17:15 - Edisana ñwed Abasi Ibom

¹⁵ Mbeŋeke nte Afo osio mmɔ ke ererimbot efep, edi mmebeŋe nte ekpeme mmɔ ke idiɔk esie.

JOHN 17:15 ပူးပေါင်းရင်းမြစ်များ

GENESIS 48:16

angel emi akafakde mi osio ke kpukpru idiɔk-ŋkpɔ osuk ɔdiɔŋ nditɔ emi; yak mmɔ enyuŋ ekere enyiŋ mi, ye enyiŋ mme ete mi Abraham ye Isaac; yak mmɔ enyuŋ etɔt ekabare ediwak ke ufɔt isɔŋ.

1 CHRONICLES 4:10

Ndien Jabez eseme ɔnɔ Abasi Israel, ete, Afo akpakam ɔdioŋ mi, onyuŋ anam adaŋa mi okpon, ubɔk fo onyuŋ odu ye ami, afo onyuŋ akpan idiɔk-ŋkpɔ, ete okuyat mi! Ndien Abasi ada se enye ekebeŋede ɔsɔk enye.

ŊWED MME PSALM 121:7

Jehovah eyekpeme fi, mbak idiɔk ŋkpɔ ekededi: enye eyekpeme ukpɔŋ fo.

ŊWED MME PSALM 30:9

nnyuŋ ŋkpe Jehovah ubɔk, nte, Nso udori odu ke iyip mi ke nsuhɔrede nduk ke udi? Nte ntan editoro fi? Nte enye editiŋ akpanikɔ fo?

ECCLESIASTES 9:10

Da odudu fo nam kpukpru se ubɔk fo okutde ndinam: koro baba erinam, baba uduak, baba ifiɔk, baba mbufiɔk miduhe ke obio ekpo emi afo akade do.

ISAIAH 57:1

EDINEN owo atak, ndien baba owo kiet ikereke ke esit esie: enyuŋ etaŋ mbon ima efep, ke ini baba owo kiet mifiɔkke, ite, ke etaŋ edinen owo efep ebak idiɔk-ŋkpɔ.

MATTHEW 5:37

Edi yak ikɔ mbufo edi; Edi ntre, ye, Idige ntre: koro se ibede oro oto ke andidiɔk.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

LUKE 11:4

Koro nnyin ke idem nnyin idahadedo inɔ kpukpru owo emi ekamade nnyin isɔn. Kunyuŋ uda nnyin usin ke idomo.

LUKE 22:32

nte mbuɔt-idem okubɔhɔ fi: ndien afo ŋko, ke ini editɔŋɔde ntak akabare, sɔŋɔ nditɔ-ete fo idem.

ŊWED MBON GALATIA 1:4

Emi akayakde Idem Esie ɔnɔ kabaŋa mme idiɔk-ŋkpɔ nnyin, man Enye akpanyaŋa nnyin osio ke idiɔk eyo emi odude ke emi, nte ekemde ye se Abasi ye Ete nnyin aduakde:

2 ŊWED THESSALONICA 3:3

Edi Ɔbɔŋ anam akpanikɔ; Enye eyenam mbufo esɔŋɔ eda, eyenyuŋ ekpeme mbufo mbak andidiɔk.

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.