JOHN 17:11 - Edisana ñwed Abasi Ibom

¹¹ Ndiduhe aba ke ererimbot, ndien mmɔ edu ke ererimbot, ndien Ami ke nnyɔŋ ntiene Fi. Edisana Ete, da enyiŋ Fo kama mmɔ emi ɔkɔnɔde Mi, man mmɔ edi kiet, kpa nte nnyin idide kiet.

JOHN 17:11 ပူးပေါင်းရင်းမြစ်များ

ŊWED MME PSALM 79:9

O Abasi erinyaŋa nnyin, bɔ nnyin ubɔk, baŋa ubɔŋ enyiŋ fo: nyuŋ babare nnyin, nyuŋ dahado ke mme idiɔk ido nnyin, baŋa enyiŋ fo.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

ISAIAH 27:3

Ami Jehovah ŋkpeme enye, mbebit enye kpukpru ini: ŋkpekpeme enye ke okoneyo ye uwemeyo, mbak owo edinam enye ŋkpɔ.

ISAIAH 64:2

kpa nte ikaŋ atade ikɔt, nte ikaŋ anamde mmɔŋ ofut; man anam mme asua fo efiɔk enyiŋ fo, mme idut eyenyek idem ke iso fo.

JEREMIAH 14:21

Kusin nnyin ke ndek, ubaŋa enyiŋ fo, kusuene ebekpo ubɔŋ fo: ti, kubiat ediomi fo ye nnyin.

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

EZEKIEL 20:22

Ndien ŋkabare ubɔk mi nnyuŋ nnam ntre mbaŋa enyiŋ mi, man ekusabare enye ke enyin mme idut, emi ŋkosioŋode ke enyin mmɔ mfep.

EZEKIEL 20:44

Ndien mbufo eyefiɔk ete ke ami ndi Jehovah, ke ndinamde mbufo mbaŋa enyiŋ mi, isaŋake ye mme idiɔk usuŋ mbufo, ye ido mbufo emi ebiarade, O ufɔk Israel: uyo Ɔbɔŋ Jehovah edi emi.

EZEKIEL 20:9

Ndien ŋkanam ntre mbaŋa enyiŋ mi, man ekusabare mi ke enyin mme idut emi mmɔ edude ke otu mmɔ, emi ŋwutde mmɔ idem mi ke iso mmɔ, man nsio mmɔ ke isɔŋ Egypt mfep.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.

MATTHEW 5:48

Mbufo efɔn ema ndien, kpa nte Ete mbufo ke heaven ɔfɔnde ama.

MATTHEW 6:9

Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

JOHN 13:1

KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

JOHN 13:3

sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,

JOHN 14:20

Adaŋoro mbufo eyefiɔk ete Ami ndu ke Ete Mi, mbufo enyuŋ edu ke Ami, Ami nnyuŋ ndu mbufo ke idem.

JOHN 16:28

Ŋkoto ke ɔtɔ Ete ndi ke ererimbot; nnyuŋ mmɔŋ ŋkpɔŋ ererimbot nnyɔŋ ntiene Ete.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 17:25

O edinen Ete, ererimbot ikɔfiɔkke Fi, edi Ami mmɔfiɔk Fi; mmɔ emi enyuŋ efiɔk ete Afo ɔkɔdɔŋ Mi.

JOHN 17:6

Mma nyarare enyiŋ Fo nnɔ mme owo emi okosiode ke ererimbot ɔnɔ Mi; mmɔ ekedi Okuo, Afo okonyuŋ ayak mmɔ ɔnɔ Mi,

JOHN 7:33

Mmɔdo Jesus ete, Ke ekpri ibio ini kaŋa ndu ye mbufo, ndien ndinyɔŋ ntiene Enye emi ɔkɔdɔŋde Mi.

UTOM MME APOSTLE 3:21

emi heaven enyenede ndibɔ kaŋa ŋkama, tutu osim ini emi edinamde kpukpru ŋkpɔ etɔŋɔ ntak efɔn ema, kpa ini emi Abasi eketiŋde abaŋa enye ke inua ndisana prophet Esie, emi ekodude toto ke eritɔŋɔ ererimbot

ŊWED MBON ROME 12:5

ntre ŋko, nnyin, emi iwakde, idi ikpɔhidem kiet ke Christ, nnyin kpukpru inyuŋ idi ndido inɔ kiet eken.

ŊWED MBON ROME 9:17

Koro Ŋwed Abasi ɔdɔhɔ Pharaoh ete, Edi emi ekesin Mi nnim fi Man nda fi ŋwut odudu Mi, Man enyuŋ etaŋa enyiŋ Mi ke ofuri isɔŋ.

1 ŊWED CORINTH 1:10

Edi mmada enyiŋ Ɔbɔŋ nnyin Jesus Christ ŋkpe mbufo ubɔk, nditɔ-ete, nte mbufo kpukpru enyene ikɔ-inua kiet, ubahare okunyuŋ odu ke otu mbufo; edi mbufo etɔŋɔ ntak ekabare efɔn ema ke erinyene esit kiet ye ekikere kiet.

ŊWED MBON GALATIA 3:28

Jew ye Greek ikemeke ndidu, ofin ye eyen-isɔŋ ikemeke ndidu, erenowo ye ŋwan inyuŋ ikemeke ndidu; koro kpukpru mbufo edi kiet ke Christ Jesus.

ŊWED MBON EPHESUS 4:4

Idem kiet odu, Spirit kiet onyuŋ odu, kpa nte ekekotde mbufo ke idori-enyin kiet emi asaŋade ye ikot mbufo;

ŊWED MBON PHILIPPI 2:9

Ke ntak oro Abasi ekemenere Enye onim ke enyɔŋ, onyuŋ ɔnɔ Enye enyiŋ emi okoŋde akan kpukpru enyiŋ;

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

MME HEBREW 9:24

Koro Christ ikebehe iduk ke edisana ebiet emi edade ubɔk enam, emi onyuŋ edide mbiet ata Edisana Ebiet; edi ebe oduk ke ata heaven, man Enye ada ke iso Abasi ke emi kabaŋa nnyin.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

1 JOHN 3:12

ikubiet Cain, emi ekedide eke andidiɔk, onyuŋ owotde eyen-ete esie. Ndien ntak owotde enye? Koro utom esiemɔ ɔdiɔkde, edi eke eyen-ete esie enende.

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 19:12

Enyin Esie ebiet edeme-ikaŋ, Enye onyuŋ ayara ediwak anyanya ke ibuot; enyuŋ ewet enyiŋ esin Enye ke idem, eke baba owo kiet mifiɔkke, ke mibɔhɔke Enye ke Idem Esie.

ERIYARARE 4:8

Ndien ŋkpɔ-uwem inaŋ oro enyene mba itiokiet, emi enyin eyɔhɔde mmɔ ke enyɔŋ ye ke esit. Mmɔ inyuŋ inyeneke nduɔk-odudu ke uwem-eyo ye ke okoneyo, esuk edɔdɔhɔ ete, Edisana, edisana, edisana, Jehovah Abasi, Andikara kpukpru ŋkpɔ. Enye emi okodude-du, emi onyuŋ odude-du, emi edinyuŋ edide.