JOHN 16:23 - Edisana ñwed Abasi Ibom

²³ Ekem ke usen oro mbufo idibupke Mi baba ŋkpɔ kiet. Ke akpanikɔ ke ndɔhɔ mbufo, ŋkpɔ ekededi eke edibeŋede Ete, Enye eyenɔ mbufo ke enyiŋ Mi.

JOHN 16:23 ပူးပေါင်းရင်းမြစ်များ

ISAIAH 65:24

Ndien ama ekem, ke mmɔ mika-ikotke kaŋa, ami nyeyere: ke mmɔ esuk edɔhɔde ikɔ, ami nyekop.

MATTHEW 21:22

Ndien kpukpru ŋkpɔ ekededi eke mbufo edibeŋede ke akam, edinyuŋ ebuɔtdeidem, mbufo eyenyene.

MATTHEW 7:7

Ebeŋe, ndien eyenɔ mbufo; eyom, ndien mbufo eyekut; etuak, ndien eyesio usuŋ enɔ mbufo:

JOHN 14:20

Adaŋoro mbufo eyefiɔk ete Ami ndu ke Ete Mi, mbufo enyuŋ edu ke Ami, Ami nnyuŋ ndu mbufo ke idem.

JOHN 14:22

Judas (idige Iscariot) obup Enye ete, Ɔbɔŋ, nsitibe Afo ediyararede Idem Fo ɔnɔ nnyin edi muduyarakere unɔ ererimbot?

JOHN 14:5

Thomas ete Enye, Ɔbɔŋ, nnyin ifiɔkke ebiet eke akade; nnyin idinyuŋ didie ifiɔk usuŋ?

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

JOHN 16:19

Nnyin ifiɔkke se ikɔ Esie ɔwɔrɔde. Jesus ɔfiɔk ete ɔdɔŋ mmɔ ndibup Imɔ; ntre ke Enye ete mmɔ, Nte ebup mbume ke idem mbufo ebaŋa ikɔ eke ntiŋde, nte, Ke ekpri ibio ini mbufo idikwe Mi, ke ekpri ibio ini ŋko mbufo eyekut Mi?

JOHN 16:26

Adaŋoro mbufo eyebeŋe ŋkpɔ ke enyiŋ Mi: ndien ndɔhɔke nte nyekpe Ete ubɔk nnɔ mbufo:

JOHN 16:30

Ke emi ke nnyin imokut ite Afo ɔmɔfiɔk kpukpru ŋkpɔ, unyuŋ uyomke owo obobup Fi: imada emi inim ke akpanikɔ ite Afo oto Abasi edi.

ŊWED MBON EPHESUS 2:18

koro oto Enye ke nnyin ke edem mbiba inyene usuŋ eke isaŋade ke Spirit kiet itiene Ete.

1 JOHN 2:1

ŊKPRI nditɔ mi, mmewet ŋkpɔ emi nnɔ mbufo, man mbufo ekunam idiɔk-ŋkpɔ. Ndien edieke owo anamde idiɔk-ŋkpɔ, nnyin imenyene Ekpe-emem ke ufɔt nnyin ye Ete, kpa Jesus Christ, emi edide edinen;