JOHN 16:22 - Edisana ñwed Abasi Ibom

²² Mmɔdo mbufo edude ke mfuhɔ ke emi; edi nyetɔŋɔ ntak ŋkut mbufo, esit eyenyuŋ adat mbufo, ndien baba owo kiet idibɔhɔ mbufo idaresit mbufo.

JOHN 16:22 ပူးပေါင်းရင်းမြစ်များ

ŊWED JOB 34:29

Ke ini enye ɔnɔde owo ifure, anie ekeme ndinam ikpe otip owo? Ndien adaŋemi enye ofukde iso, anie ekeme ndise enye? Anam ubɔk kiet ye ofuri idut ye owo kiet:

ŊWED MME PSALM 146:2

Nyetoro Jehovah ke ofuri uwem mi; nyebre nnɔ Abasi mi adaŋa ini nte ndidude uwem.

ŊWED MME PSALM 33:21

Koro esit nnyin adarade enye, koro nnyin ibuɔtde idem ke edisana enyiŋ esie.

ISAIAH 25:9

Ndien eyedɔhɔ ke usen oro, ete, Sese, Abasi nnyin edi emi; nnyin imebet enye, ndien enye anyaŋa nnyin: Jehovah edi emi; nnyin imebet enye: iyedara inyuŋ ibre ibaŋa erinyaŋa esie.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

MATTHEW 28:8

Mmɔ enyuŋ ewara edaha ekpɔŋ udi ye ndik ye akwa idara, enyuŋ efehe edi ndida etop emi nsɔk mbet Esie.

LUKE 10:42

ŋkpɔ kiet edi se nyomde; koro Mary ememek eti udeme, eke midibɔhɔ enye ifep.

LUKE 16:25

Edi Abraham ɔdɔhɔ enye ete, Eyen mi, ti nte afo okokutde ufɔn fo ke ini uwem fo, ye nte Lazarus okonyuŋ okutde idiɔk: edi kemi enye ke okop idɔŋesit mi, edi afo ke odu ke ndutuhɔ.

LUKE 19:26

Ndɔhɔ mbufo nte, eyenɔ kpukpru owo eke enyenede; edi eyebɔ enye eke minyeneke kpa se enye enyenede.

LUKE 24:41

Edi ke adaŋemi idaresit miyakke mmɔ enim ke akpanikɔ, idem onyuŋ akpade mmɔ, Enye ɔdɔhɔ mmɔ ete, Nte mbufo emenyene se owo adiade mi?

JOHN 14:1

EKUYAK esit otimere mbufo: ebuɔt idem ye Abasi, enyuŋ ebuɔt idem ye ami.

JOHN 14:19

Osuk esisit, ndien ererimbot idikwe Mi aba; edi mbufo ke ekut Mi: sia Ami ndude uwem, mbufo eyedu uwem ŋko.

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

JOHN 16:16

Ke ekpri ibio ini mbufo idikwe Mi aba, ke ekpri ibio ini ŋko mbufo eyekut Mi.

JOHN 16:20

Ke akpanikɔ ke ndɔhɔ mbufo nte, mbufo eyetuaŋa enyuŋ eseme, edi ererimbot eyedara: mbufo eyefuhɔ, edi mfuhɔ mbufo eyekabare edi idara.

JOHN 16:6

Edi mfuhɔ ɔyɔhɔ mbufo ke esit koro nnemede mme ŋkpɔ emi nnɔ mbufo.

JOHN 21:7

Ntre ke mbet oro Jesus amade ɔdɔhɔ Peter ete, Edi Ɔbɔŋ. Edi ke ini simon Peter okopde ete edi Ɔbɔŋ, enye ɔbɔbɔ ɔfɔŋ ke idem (koro enye eketie iferi), onyuŋ ɔduɔk idem ke inyaŋ.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

UTOM MME APOSTLE 13:52

Ndien mbet eyɔhɔ ye idaresit ye Edisana Spirit.

UTOM MME APOSTLE 16:25

Edi ke ufɔt okoneyo Paul ye Silas ebɔŋ akam enyuŋ ekwɔ ikwɔ enɔ Abasi, mbon-ŋkpɔkɔbi enyuŋ ekop;

UTOM MME APOSTLE 2:46

Ndien ke usen ke usen mmɔ enyene iwuk edu ke temple ye esit kiet, enyuŋ ebuŋ uyo ke ufɔk, mmɔ edia udia ke idaresit ye esit kiet, etoro Abasi; kpukpru owo enyuŋ enen iso ye mmɔ.

UTOM MME APOSTLE 5:41

Ntre ke mmɔ oro ewɔrɔ ekpɔŋ esop, edara koro ebatde ete mmɔ emedot ndibɔ esuene kabaŋa enyiŋ Jesus.

2 ŊWED CORINTH 6:10

edi idu ke idaresit kpukpru ini; ete, enye edi idem-idem owo, edi ke inanam ediwak owo ekabare mbon inyene; ete, enye inyeneke baba ŋkpɔ kiet, edi imenyene kpukpru ŋkpɔ.

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,

MME HEBREW 10:34

Koro mbufo ekatuade mmɔ emi edude ke ŋkpɔkɔbi mbɔm, enyuŋ enyime ke idaresit ete ebume inyene mbufo, sia mbufo efiɔkde ete imenyene inyene eke ɔfɔnde akan onyuŋ ebigide.

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso:

1 PETER 1:8

Akanam mbufo ikwe Enye, edi emama Enye. Okposuk edi nte mbufo mikwe Enye ke emi, mbufo ebuɔt idem ye Enye, enyuŋ esɔŋɔ edara ye idaresit eke ayaŋade owo nditiŋ onyuŋ ɔyɔhɔde ye ubɔŋ;